«Бірлігі жарасқан – тәуелсіз Қазақстан» атты концерт
Жамбыл облысы әкімдігінің мәдениет, архивтер және құжаттама басқармасының Облыстық халық шығармашылығы орталығының тапсырысы бойынша «Еркін пікір» жастар қоғамдық бірлестігі «Тұрғындар арасында өзге ұлттардың көркемөнерін насихаттау» тақырыбындағы әлеуметтік маңызы бар жобасы шеңберінде ағымдағы жылдың 28 қыркүйек күні Талас ауданының орталығы Қаратау қаласында аудандық «Жастар ресурстық орталығымен» бірлесе отырып «Бірлігі жарасқан – тәуелсіз Қазақстан» атты тақырыпта ауданның өнерлі жастарының қатысуымен концерт ұйымдастырылды. Концертке Жамбыл облысы әкімдігінің мәдениет, архивтер және құжаттама басқармасының Облыстық халық шығармашылығы орталығының мамандары, «Еркін пікір» жастар қоғамдық бірлестігінің белсенділері, аудандық жастар ресурстық орталығының қызметкерлері, ауданда тұратын түрлі ұлт өкілдері қатысып, өз өнерлерін көрсетті. Концерт барысында Тараз қаласынан арнайы шақырылған әншілер аудан тұрғындары алдында өнер көрсетіп, көпшілікке көтеріңкі көңіл-күй сыйлады. Концерт барысында аудандық «Жастар ресурстық орталығының» директоры Н.Мырзаев сөз алып, ұлттар арасында татулықты нығайтутың бірден-бір жолы өнер арқылы барша ұлт өкілдерін біріктіруге болатындығын атап өтті. Іс-шара соңы концертте өнер көрсеткен өнерлі жастарды ұйымдастырушылар тарапынан дайындалған дипломдармен марапаттаумен аяқталды. Сонымен қатар іс-шара барысында қатысушы қонақтарға бірлестіктің арнайы дайындаған бүктеме қағаздары таратылып берілді.
