Таразда денсаулық сақтау саласы қызметкерлері арасында
Ұлт жоспарының жүзеге асырылу барысы талқыланды
«Нұр Отан» партиясы Жамбыл облыстық филиалы Саяси кеңесі мүшелерінің қатысуымен «Ұлт жоспары – жарқын болашақ кепілі» тақырыбында облыстық онкологиялық диспансерінде денсаулық сақтау саласының қызметкерлерімен кездесу өтті.
Кездесу барысында «100 нақты қадам» Ұлт жоспары мен Елбасының Қазақстан халқына арнаған Жолдауының орындалу барысы және алда атқарылатын міндеттер талқыланып, міндетті әлеуметтік медициналық сақтандыру жүйесі түсіндірілді.
Шараға партия облыстық филиалы Саяси кеңесінің мүшелері, партияның облыстық мәслихаттағы депутаттық фракциясының мүшелері, партия Тараз қалалық филиалы төрағасының бірінші орынбасары, облыстық, қалалық аурухана, емханалардың дәрігерлері қатысты.
Кездесу барысында облыстық мәслихат депутаты, фракция мүшесі, облыстық онкологиялық диспансерінің бас дәрігері Абай Нұржанов: «Міндетті әлеуметтік медициналық сақтандыруды енгізу, мемлекеттің, жұмыс берушінің және азаматтың ынтымақтасқан жауапкершілігі қағидаты негізінде денсаулық сақтау жүйесінің қаржылық орнықтылығын күшейтуді белгіленді» — деп атап өтті.
«Бес институционалдық реформа «100 нақты қадам» Ұлт жоспарын ел экономикасына жаһандық экономикалық қиындықтардың ықпалы зор күрделі кезеңде қолға алынды. Мұндағы ауқымды жұмыс – индустрияландыру мен экономикалық өсімді қамтамасыз ету бойынша жаңғыртулар кешенімен тікелей байланысты» – деді өз сөзінде партия Тараз қалалық филиалы төрағасының бірінші орынбасары Арын Асқарбеков.
Шарада ұжым қызметкерлері Ұлт жоспарын талқылауға белсене қатысып, өз ойларын еркін жеткізді.
