Тұрғын үйге қолжетімділікті арттыру, инфрақұрылымды дамыту және ауылдағы кәсіпкерлікті қолдау – «Әділет» партиясының Жамбыл облысына арналған сайлауалды бағдарламасындағы маңызды басымдықтар. Жамбыл облысы мәслихат депутаттығына партиялық тізім бойынша ұсынылған кандидаттар Данияр Асқарұлы, Алибеков Серік Айдарұлы мен Гладченко Марина Васильевна, сондай-ақ штаб мүшесі Қалиев Сауран Қалиұлы Тараз қаласындағы Құмшағал ықшам ауданының тұрғындарымен кездесті.
Кездесу барысында қала инфрақұрылымын дамыту, халықтың тұрмыс сапасын жақсарту, тұрғын үйге қолжетімділікті арттыру және әлеуметтік қолдау мәселелері қозғалды. Тұрғындар өздерін толғандырған сауалдарын қойып, ұсыныс-пікірлерін ортаға салды.
Партия өкілдері тұрғын үй мәселесіне қатысты бағдарламада көзделген нақты көрсеткіштерге тоқталды. 2031 жылға дейін облыста шамамен 4,6 млн шаршы метр тұрғын үйді пайдалануға беруге, оның ішінде мемлекеттік қолдау есебінен кезекте тұрған азаматтарға 8 833 пәтер ұсынуға ықпал ету жоспарланған. Оның 6 581-і әлеуметтік кредиттік тұрғын үй болса, 2 252 пәтер халықтың әлеуметтік осал топтарына беріледі. Бұл тұрғын үй кезегін 13 пайызға, яғни 68 344 адамнан 59 511 адамға дейін қысқартуға мүмкіндік береді.
Сонымен қатар ауыл тұрғындарының табысын арттыру және кәсіпкерлік бастамаларды қолдау бағытындағы міндеттер таныстырылды. «Ауыл аманаты» бағдарламасы аясында 5,2 мың жеңілдетілген микрокредит алуға, ал «Іскер аймақ» бағдарламасы шеңберінде шағын қалалар мен ауылдық елді мекендердегі кәсіпкерлердің кемінде 500 жобасына қолдау көрсету көзделген.
«Тұрғын үйге қолжетімділікті арттыру – халықтың әлеуметтік жағдайын жақсартудың маңызды тетігі. «Әділет» партиясының сайлауалды бағдарламасында тұрғын үй кезегін қысқарту, әлеуметтік кредиттік баспана ұсыну және мұқтаж азаматтарды қолдау бағытында нақты міндеттер белгіленген. Сонымен бірге ауылдағы кәсіпкерлікті дамыту арқылы тұрғындардың табыс көздерін кеңейтуге басымдық беріліп отыр», – деді кандидат Данияр Асқарұлы.
Кездесу ашық пікір алмасу форматында өтіп, партия өкілдері тұрғындардың сауалдарына жауап берді. Айтылған ұсыныстар өңірлік сайлауалды бағдарламаның басымдықтарын түсіндіру және халықпен кері байланысты нығайту аясында талқыланды.
«Әділет» партиясының сайлауалды бағдарламасы тұрғындардың баспанаға қолжетімділігін арттыруды, ауылдық жерлердегі кәсіпкерлікті дамытуды және өңірдің әлеуметтік-экономикалық әлеуетін нығайтуды көздейді. Тұрғындармен тікелей кездесулер осы бастамаларды таныстырып, елді мекендердің өзекті мәселелерін тыңдауға мүмкіндік береді.
Дайындаған: «Әділет» партиясы Жамбыл облыстық филиалының баспасөз қызметі.
Тапсырыс беруші: Д. А. Қаипов.
Жамбыл облыстық мәслихаты депутаттарының сайлауында партиялық тізімді ұсынған «Әділет» партиясы» қоғамдық бірлестігінің сайлау қоры қаражатынан төленді.







