Ішкі істер департаменті бастығы азаматтарды қабылдады
2017 жылғы 19 шілдеде «Нұр Отан» партиясы облыстық филиалының ғимаратында Жамбыл облысы Ішкі істер департаментінің бастығы полиция генерал-майоры Тлеген Маткенов азаматтарды жеке мәселелері бойынша қабылдады.
Қабылдауға келгендер негізінен құқықтық қатынастарға қатысты түйткілді мәселелерін ортаға салды. ІІД бастығы барлық сұрақтар бойынша заң нормаларын жан-жақты түсіндіріп, өз орынбасарларына тиісті тапсырмалар берді.
Жалпы, 2017 жылдың 6 айында ІІД бастығының жеке қабылдауында 30 азамат болды. Соның ішінде 15 азаматтың сұрағы бойынша қанағаттанарлық жауап беріліп, өз шешімі табылса, 8 азаматқа түсіндірме берілді, 6 өтініш қаралуда.
ІІД бастығының орынбасарларында 32 азамат, қалалық, аудандық ішкі істер бөлімдері басшыларында 306 азамат, олардың орынбасарларымен 400 азамат жеке қабылдауда болған.
Жамбыл облысы ІІД бастығы полиция генерал-майоры Тлеген Советұлы Маткеновпен азаматтарды қабылдау кестеге сәйкес, жұмыс регламентінің мүмкіндігіне қарай айына 1 рет өткізіледі. Бастықтың орынбасарларымен жеке сұрақтармен келуші азаматтарды қажеттілігі бойынша бекітілген кестедегі уақытпен және уақыттан тыс қабылдау үнемі жүргізіліп отырады. Қалалық, аудандық ішкі істер бөлімдері басшылығымен азаматтарды қабылдау аптасына 1 рет, ал олардың орынбасарларымен азаматтардың келген уақытында бірден қабылдау жүргізіледі.
Жамбыл облысы ІІД басшысымен 2017 жылдың 6 айы ішінде «Нұр Отан» партиясы облыстық филиалында 8 азамат жеке қабылдауда болған, сонымен қатар азаматтарға ыңғайлы болу үшін ағымдағы жылдың 15 мамырында Жуалы ауданында азаматтарды жеке қабылдау өткізіліп, Тараз қаласы Ішкі істер басқармасы бастығымен 6 азамат жеке қабылданды. Жергілікті, оның ішінде шалғай орналасқан аудандарда азаматтарды жеке мәселелермен қабылдау ІІД Құжаттамалық қамтамасыз ету бөлімінің басшысы Әсел Жұмағалиқызы Құлмағамбетованың жауапкершілігімен алдағы уақытта да ұйымдастырылатын болады.
Азаматтардың конституциялық құқығын қорғау, ішкі істер қызметтерінің имиджін арттыру, қылмыстың алдын алу және арыз-шағымдардың азаюына ықпал ету мақсатында жеке және заңды тұлғалардың өтініштерімен жұмыс және жеке сұрақтармен азаматтарды қабылдаулар өткізу Жамбыл облысы ІІД басшылығының қатаң бақылауына алынған.
ЖАМБЫЛ ОБЛЫСЫ ІІД БАСПАСӨЗ ҚЫЗМЕТІ
