Тараз қаласында «ЕХРО-2017» халықаралық көрмесіне және «6 шілде – Астана күні» мерекесіне орай «Жайнай бер менің Астанам» атты қала жастары арасындағы спартакиада өтті
Тараз қаласы әкімдігінің ұйымдастыруымен Астана күні мерекесін атап өту, бұқаралық спорт түрлерін дамыту және салауатты өмір салтын насихаттау, Тараз қаласы жастарын ішімдікке, темекіге, нашақорлық және есірткі бизнесіне қарсы тәрбиелеу және дене шынықтыру және спортпен жүйелі түрде айналысуына тарту, Қазақстан Республикасында діни экстремизм мен терроризмге қарсы іс-қимыл жөніндегі 2013-2017 жылдарға арналған мемлекеттік бағдарламаны жүзеге асыру мақсатында 18 — 35 жас аралығындағы жастар (ерлер, әйелдер)арасында спартакиада өтті.
Спартакида 7 спорт түрі (кіші-футбол, жүзу, үстел теннисі, армрестлинг (қол күресі), гір тасын көтеру, ұзындыққа секіру және турникке тартылу бойынша өтті.
Жекелей спорт түрлері бойынша 1,2,3 орын иелеген спортшылар Тараз қаласы әкімдігінің медальдары, грамоталары және естелік сыйлықтарымен марапатталды.
Жалпыкомандалық есепте 1,2, 3 орын иеленген командалар Тараз қаласы әкімдігінің грамоталары және кубоктарымен марапатталады.
