«Атамекен» ҚР Ұлттық кәсіпкерлер палатасы Басқармасының шешімімен Жамбыл облысы Өңірлік палатасының директоры болып Султангереев Азамат Талгатович тағайындалды. Бұл туралы Жамбыл облыстық Кәсіпкерлер палатасы хабарлады.
Азамат Сұлтангереев 1978 жылы Қызылорда қаласында дүниеге келген. М.Х. Дулати атындағы Тараз мемлекеттік университетін «Экономика және менеджмент» мамандығы бойынша үздік бітірген, сондай-ақ Қожа Ахмет Ясауи атындағы Халықаралық қазақ-түрік университетінің жоғары заңгерлік біліміне ие. Басқару және коммерция салаларындағы басшылық лауазымдарда 20 жылдан астам еңбек өтілі бар, ірі бизнес-құрылымдарды әкімшілендіру мен филиалдар желісін дамытуға маманданған.
Жаңа басшының алдына бірқатар басым міндеттер қойылды, олардың қатарында: бизнес субъектілерін құқықтық қорғауды күшейту, жергілікті деңгейдегі әкімшілік кедергілерді жою, ШОБ қолдаудың өңірлік бағдарламаларын үйлестіру және жергілікті тауар өндірушілердің экспорттық әлеуетін белсендіру бар.
