Сауалнама тұрғындардың қоғамдағы өзекті мәселелерге көзқарасын, әлеуметтік көңіл-күйін, мемлекеттік саясатқа деген сенім деңгейін, діни ахуал мен қоғамдық тұрақтылыққа қатысты пікірлерін анықтауға бағытталған. Зерттеу нәтижелері өңірдегі өзекті мәселелерді саралап, тұрғындардың сұраныстары мен қажеттіліктерін ескереотырып, тиімді шешімдер қабылдауға мүмкіндік береді.
Сауалнамаға әртүрлі жас санатындағы азаматтар, жастар, еңбек ұжымдарының өкілдері, ауыл тұрғындары, кәсіпкерлер және өзге де әлеуметтік топтар қатысады. Респонденттерді іріктеу ғылыми әдістемелер негізінде жүзеге асырылып, зерттеу қорытындыларының объективтілігі мен нақтылығы қамтамасыз етіледі.
Мамандардың айтуынша, мұндай ауқымды зерттеулер өңірдегі қоғамдық пікірді жан-жақты талдауға, халықтың қажеттіліктерінанықтауға және мемлекеттік бағдарламалардың тиімділігін бағалауға мүмкіндік береді. Сонымен қатар, зерттеу нәтижелері алдағы уақытта әлеуметтік жобаларды жоспарлау мен жүзеге асыру барысында маңызды дереккөз ретінде пайдаланылатын болады.
Айта кету керек, сауалнама барысында алынған барлық ақпарат құпия сақталып, тек жалпыланған статистикалық деректер түрінде ғанаөңделеді. Сондықтан тұрғындардың шынайы әрі ашық пікір білдіруі зерттеудің сапалы өтуіне және нақты нәтижелерге қол жеткізуге ықпал етеді.
Жамбыл облысында жүргізілетін бұл зерттеу өңір тұрғындарының пікірін ескеруге, қоғамдық тұрақтылықты нығайтуға және халықпен тиімді кері байланысты дамытуға бағытталған маңызды бастама болып табылады.
Мақала Жамбыл облысы әкімдігі ақпарат және қоғамдық даму басқармасының мемлекеттік ақпараттық тапсырыс негізінде жарияланды.
