Тараз қаласында азаматтық бастамаларды қолдауға бағытталған «Ортақ мүдде» шағын гранттар конкурсына өтінім қабылдау басталды.
Конкурс Жамбыл облысы Азаматтық Альянсы ұйымдастыруымен, Тараз қаласы әкімдігінің ішкі саясат бөлімінің тапсырысы аясында жүзеге асырылуда. Жобаның операторы – Азаматтық бастамаларды қолдау орталығы.
Конкурстың негізгі мақсаты – үкіметтік емес ұйымдардың әлеуетін арттыру, әлеуметтік маңызы бар жобаларды қолдау және қоғамдағы өзекті мәселелерді шешуге бағытталған бастамаларды дамыту.
Жоба аясында жалпы саны 5 шағын грант ұсынылады. Әр гранттың көлемі – 500 мың теңге.
Гранттар келесі бағыттар бойынша әлеуметтік жобаларды қолдауға бағытталған:
- әлеуметтік мәселелерді шешу;
- жастар бастамаларын дамыту;
- жергілікті қауымдастықтардың белсенділігін арттыру;
- азаматтық қоғам институттарын дамыту;
- ҮЕҰ, мемлекеттік органдар, бизнес және қоғам арасындағы серіктестікті нығайту.
Конкурсқа Тараз қаласында тіркелген және қызметін жүзеге асыратын үкіметтік емес ұйымдар қатыса алады. Қатысушылар үшін «Ортақ мүдде» оқыту курсынан өту міндетті.
Өтінімдерді қабылдау мерзімі:
2026 жылғы 18 мамыр мен 1 маусым аралығы.
Жобалық өтінімдерді қабылдау:
2026 жылғы 2–9 маусым аралығында өтеді.
Конкурс нәтижелері 2026 жылғы 15 маусымда жарияланады.
Құжаттар Microsoft Word және PDF форматында электронды түрде қабылданады. Өтінімдер мен қажетті құжаттарды келесі электрондық пошта арқылы жолдауға болады:
Осы сілтеме арқылы
Ережесі төменде:
