Бүгін Таразда ардагерлер, әскери қызметкерлер қатысуымен 9 жерде Жеңіс күніне орай ескерткіштерге гүл шоқтарын қою рәсімдері өтті.
Атап өтер болсақ, «Мәңгілік алау» мемориалы, Б.Момышұлы, А.Сухамбаев, ескерткіштері, «Даңқ» обелискі, «Қарасу» мөлтек ауданындағы ескерткіші, Ы.Сүлейменов ескерткіш-бюсті, Құмшағал аймағындағы ескерткіштері, Жеңіс паркінде орналасқан «Бауыржан Момышұлы» стелласы, ҰОС қаза тапқан жауынгерлерге арналған монументі.
Ұлы Отан соғысы кезінде қайтыс болған жауынгерлерді «Бір минут үнсіздік» жарияланып еске алудан басталды.
Ұлы Жеңістің 72 жылдығына арналған әскери-патриоттық бірлестіктердің бастамасымен құрылған «Қаһарман ұлт» жалпыреспубликалық шеруі ұйымдастырылды. Іс-шараның мақсаты — Отан үшін ұрыс даласында жан қиған майдангерлерді, сонымен қатар соғыстан оралып, бейбіт өмірде ел дамуына үлес қосып, өмірден өткен ардагерлерді де еске алу.
«Мәңгілік алау» алдында сағат тоғызда жиналған қауым Ұлы Отан соғысына қатысқан туыстарының порттерін алып, сапта Төле би даңғылы бойымен Достық алаңына жүріп өтті.
