Іс-шара Ж.Үшкемпіров атындағы «Тараз-Арена» спорт кешені алаңында өтті. Концерт өңірлік «Әділетті және Прогрессивті Қазақстанның Халықтық Конституциясы үшін!» Жалпыұлттық коалициясының қолдауымен ұйымдастырылып, оған 4 мыңға жуық қала тұрғындары мен жастар қатысты.
Жастарға арналған жарқын кеш
Концерт барысында жастар арасында кеңінен танымал Kalifarniya өнер көрсетіп, көрермендерге ерекше әсер сыйлады. Заманауи музыка мен көтеріңкі көңіл күй кештің басты атмосферасын айқындады.
Референдумға үндеу
Іс-шара аясында спикерлер де сөз сөйледі.
«Жастар Рухы» Жастар қанатының төрағасы Ерғали Әбуғали, жас белсенді Айбек Кадралиев және студент Аяна Ким жаңа Ата Заң жобасының маңыздылығы туралы айтып, қала тұрғындарын 15 наурызда өтетін республикалық референдумға қатысуға шақырды.
Ұйымдастырушылардың айтуынша, мұндай форматтағы шаралар жастардың азаматтық белсенділігін арттырып, ел болашағына бейжай қарамайтын ұстанымды қалыптастыруға бағытталған.
