Жамбылдың сәулет және қала құрылысы басқармасы ӨКҚ-де брифинг өткізді

Жамбыл облысы Өңірлік коммуникациялар қызметі алаңында «100 нақты қадам» Ұлт Жоспарына арналған» брифинг өтті. Брифингке Жамбыл облыс әкімдігінің сәулет және қала құрылысы басқармасының басшысы Асқар Рыспаев қатысты. Басқарма басшысы облыстағы бірқатар жұмыстардың орындалуы туралы баян етті. Сондай-ақ, ол 46-қадамның орындалу барысы мен құрылысқа рұқсат алудың үш сатысына тоқталып атап өтті.
Асқар Мақшанұлының берген ақпаратынша, бірінші саты 30 күн – архитектуралық жобалаудың тапсырмасын беру Жамбыл облысы әкімдігінің 2016 жылғы 10 қазандағы №299 қаулысымен бекітілген регламенті әзірленіп, Тараз қаласы мен аудан әкімдіктерінің сәулет, қала құрылысы және құрылыс бөлімдері арқылы жүзеге асырылады:
техникалық және технологиялық жағынан күрделі емес жобалар бойынша өтініштерді қарау – 14 жұмыс күні ішінде;
техникалық және технологиялық жағынан күрделі жобалар бойынша өтініштерді қарау– 16 жұмыс күні ішінде:
электр және жылу энергиясын өндіретін өндірістік кәсіпорындар;
тау-кен өндіру және байыту өндірістік кәсіпорындары;
қара және түсті металлургия, машина жасау өнеркәсібінің өндірістік кәсіпорындары;
елді мекендер мен аумақтардың қауіпсіздігін қамтамасыз ететін гидротехникалық және селден қорғау құрылыстары (дамбалар, бөгеттер);
елді мекендердің шекараларынан тыс орналасқан желілік құрылыстар;
қызмет көрсету объектілерімен бірге магистральдық құбырлар (мұнай, газ құбырлары және тағы басқа);
жоғары вольтты электр беру желілері және талшықты-оптикалық байланыс желілері;
қызмет көрсету объектілерімен бірге теміржолдар;
көпірлерді, көпір өткелдерін, тоннельдерді, көп деңгейлі айрықтарды қоса алғанда, республикалық желіге жатқызылған жалпы пайдаланудағы автомобиль жолдары;
Мемлекеттік қызметті көрсету нәтижесі: осы мемлекеттік қызмет көрсету стандартының 1-қосымшасына сәйкес және келесі бастапқы материалдарды:
техникалық шарттарды;
сыртқы инженерлік желілер трассаларының схемаларын;
егжей-тегжейлі жоспарлау жобасының көшірмесін;
тік жоспарлау белгілерін;
жолдар мен көшелердің көлденең қималарын қоса берумен сәулет-жоспарлау тапсырмасын беру, — деп мәлім еткен басқарма басшысы журналистердің де сұрақтарына жауап берді.