Мамандандырылған әскери мектеп-интернаты бұл:
✓ Сапалы білім мен әскери-патриоттық тәрбие.
✓ 7 сыныптан бастап бейінді оқыту.
✓ Оқушылардың функциональдық сауаттылығы.
✓ Оқушылардың қызығушылықтары мен қабілеттерін жүзеге асыру.
✓ Оқушылардың дарындылықтарын дамыту.
✓ Қазақстандық патриотизмге тәрбиелеу.
✓ Қазақстан Республикасы және басқа мемлекеттердің қарулы күштері салаларының жоғарғы оқу орындарының курсанты болу мүмкіндігі.
Мамандандырылған әскери мектеп-интернатының ерекшеліктері:
— Жаратылыстану-математикалық бағытындағы пәндер, информатика, ағылшын тілі тереңдетіліп оқытылады.
— Әскери, спорттық, музыкалық бағыттағы үйірмелер жүргізіледі.
— Оқушылар жатақханамен қамтамасыз етіледі.
— Күніне 5 рет тамақтандыру қарастырылады.
— Әскери мектеп формаларымен қамтамасыз етіледі.
(Ескерту: тамақтандыруға жұмсалатын қаражаттың 20% ата-ана есебінен төленеді, сондай-ақ, әскери сөмке, іш киімдері мен гигиеналық заттары, оқуға қажетті кеңсе заттары ата-ана есебінен қамтылады.)
Мамандандырылған әскери мектеп-интернатының түлектері келесі жоғарғы оқу орындарында өз білімдерін жалғастыра алады:
• ҚР Қорғаныс министрлігінің жоғарғы оқу орындары;
• ҚР Ұлттық қауіпсіздік комитетінің жоғарғы оқу орындары;
• ҚР Ішкі істер министрлігінің жоғарғы оқу орындары;
• ҚР Төтенше жағдайлар министрлігінің жоғарғы оқу орындары;
• ҚР Ғылым және жоғары білім министрлігінің жоғарғы оқу орындары;
• Шет елдік жоғарғы және арнайы кәсіптік оқу орындары.
Мамандандырылған әскери мектеп-интернатына қабылдау ережелері:
Интернаттық үлгідегі орта білім беретін мемлекеттік мекеме, кәсіби бағдарлы білім беруді іске асырып, тәрбиеленушілерді Қазақстан Республикасы Қарулы Күштерінің жоғарғы оқу орындарына оқуға түсуге дайындайды.
Әскери мектеп-интернатқа денсаулығы жарамды, қабылдау емтихандарын сәтті тапсырған мемлекеттік тілде оқытылатын 7,8,9 сыныптарға ер балалар қабылданады.
Мамандандырылған әскери мектеп-интернатына оқушылар келесі тәртіп бойынша қабылданады:
1. Өтініштерді қашықтықтан қабылдау және тіркеу 2025 жылдың 29 қыркүйек-10 қазан күндері аралығында qabyldau2025@mail.ru электронды поштасы арқылы жүргізіледі.
2. Қабылдау емтихандары кестеге сәйкес аудан/қала орталығындағы мектеп базасында 15 қазан күні өтеді. (қазақ тілі, ағылшын тілі, математика, Қазақстан тарихы пәндерінен тест және психодиагностикалық тест алынады).
3. Медициналық тексерістен 20-24 қазан күндері тұрғылықты жеріндегі емханадан өтеді.
4. Дене шынықтыру бойынша нормативтерді тапсыру емтиханы әскери мектеп- интернат базасында 25 қазанда өтеді.
5. Әскери мектеп-интернат базасында 28-29 қазан күндері қабылданған оқушылардың ата-аналарымен/заңды өкілдерімен сұхбаттасу кездесуі өтеді.
Қабылдау комиссиясы 2025 жылдың 29 қыркүйегінен бастап жұмыс істейді
Анықтама телефондары: 8 707 436 57 30, 8 747 989 19 98
Мекен-жайы: Тараз қаласы, Әулиеата ауданы, Қ.Сәтбаев көшесі, №27
Жамбыл облысының әкімдігі
