Кездесуге ҚХА төрағасының қоғамдық орынбасары, облыстық ҚХА Ақсақалдар кеңесінің төрағасы Асқарбек Сейлхан, облыстық мәслихат депутаты, «Бірлік» депутаттық тобының жетекшісі Жанат Бастаубаева, облыстық мәслихат депутаты, ҚХА жанындағы «Жомарт жан» орталығының басшысы, облыстық «Ахыска» түрік этномәдени бірлестігінің төраға орынбасары Жалил Аббосов және жастар қатысты.
Кездесуді компания директоры Латиф Айдаров бастап, қонақтарға кәсіпорынның жұмыс процесі мен ұжым мүшелерінің қызметі жайлы таныстырылым жасады.
Салтанатты жиында Асқарбек Ақылшаұлы мен Жалил Азимұлы өндіріс саласында аянбай еңбек етіп жүрген қызметкерлердің еңбегін жоғары бағалап, ақ тілектерін арнады.
Шара соңында облыстық мәслихат депутаты Жанат Бастаубаева кәсіпорын қызметкерлері — Дінмұхаммед Сатыбалды, Анна Ожогова, Александр Айдаровқа облыстық мәслихаттың Алғыс хаттары мен естелік сыйлықтарын табыстаса, Иван Свинцовқа Қазақстан халқы Ассамблеясының атынан алғыс білдіріліп, марапаттар тапсырылды.
