Жамбыл облысы әкімі аппаратының жаңа басшысы тағайындалды

Жамбыл облысы әкімдігі аппаратының жаңа басшысы тағайындалды.
Жамбыл облысы әкімінің №67-ө өкімімен бұл қызметке Нұржан Сәбитұлы Календеров тағайындалды.
Нұржан Сәбитұлы Календеров 1976 жылы 31 мамырда Жамбыл облысы Тараз қаласында дүниеге келген. 1997 жылы Жамбыл жеңіл және тамақ өнеркәсібі технологиялық институтын халықаралық экономикалық қатынастар мамандығы бойынша бітірген. Еңбек жолын 1997 жылы «Арнабол» ЖШС бухгалтері болып бастаған. 1998-2000 жылдары «Шың» ЖШС бухгалтері, 2000-2003 жылдары Мемлекеттік зейнетақы төлеу орталығының Тараз қалалық бөлімшесінде және Жамбыл облыстық филиалында маман, бас маманы, 2003-2005 жылдары Жамбыл облысы әкімі аппаратының бас маманы, 2005-2011 жылдары Жамбыл облысы әкімдігінің қаржы басқармасының бөлім бастығы, басқарма бастығының орынбасары, басқарма бастығы, 2011-2013 жылдары Жамбыл облысы Жамбыл ауданының әкімі қызметтерін атқарған. 2013 жылдың маусым айынан бастап Қордай ауданының әкімі қызметін атқарды. Жамбыл облысы әкімінің 2013 жылдың 31 желтоқсандағы №519 өкімімен Жамбыл облысы Тараз қаласының әкімі болып қызмет атқарған.