Тараздағы «Достық» үйінде мәдениет қызметкерлеріне Елбасы Жолдауы түсіндірілді
«Ежелгі Тараз қалашығы» аумағында орналасқан «Достық» үйінде Қазақстан Республикасы Мәдениет және спорт министрлігінің жауапты хатшысы Қуатжан Уәлиевтің қатысуымен Жамбыл облысындағы Мәдениет саласы қызметкерлерінің басын қосқан жиын өтті.
Жиын барысында Қуатжан Серікқазыұлы Елбасы Н.Ә.Назарбаевтың 2017 жылғы 31 қаңтардағы «Қазақстанның үшінші жаңғыруы: жаһандық бәсекеге қабілеттілік» атты Қазақстан халқына Жолдауын түсіндіру жұмыстарын жүргізді. Мәселен, жолдауда айтылған 5 негізгі басым бағытты кеңінен түсіндіріп, халыққа жеткізді.
Аталған жиынға қатысқан музей, театр, кітапхана тағы да басқа мәдениет саласының қызметкерлері, өлкеміздегі өнер адамдары жауапты хатшы Қуатжан Серікқазыұлына аймақтағы мәдениет салаларына қатысты сауалдар жолдап, толымды жауаптар алды.
Сонымен қатар жауапты хатшы алдағы өтетін ЭКСПО-2017 көрмесі жөнінде министрліктің кәзіргі атқарып жатқан жұмыстары туралы айтып, жиынға қатысушы мәдениет саласының қызметкерлерінің де, еліміздің әлемдік қауымдастық алдындағы абырой-беделін, танымдылығын арттыра түсуге игі ықпал етер Көрмеге қызу атсалысуларын сұрады.
Алмас МҰХТАРОВ,
ҚР МСМ «Ежелгі Тараз ескерткіштері»
ТМҚМ Баспасөз хатшысы
