Тараз қаласында отбасы институтын нығайтуға, жастар арасында саналы неке мен жауапты ата-аналықты қалыптастыруға бағытталған «Отбасы құндылықтары: берік неке, жарқын болашақ» әлеуметтік жобасы жүзеге асырылады.
Бұл бастама Тараз қаласы әкімдігінің ішкі саясат бөлімінің тапсырысымен, «Азаматтық бастамаларды қолдау орталығы» КЕАҚ-ның қолдауымен, «Айналайын» балалар-жасөспірімдер орталығы» жастар клубы» қоғамдық бірлестігі аталған жобаны ұйымдастырады.
Қазақстандағы және Тараз қаласындағы отбасылар арасында ажырасу көрсеткіші алаңдатарлық деңгейге жеткен. Жоба ұйымдастырушыларының айтуынша, некенің бұзылуына көбінесе:
зинақорлық немесе екінші отбасының пайда болуы,
туыстардың араласуы,
жүйелі тұрмыстық зорлық-зомбылық,
қызғаныш пен ішімдіктің әсері,
жұмыссыздық пен баспана мәселелері себеп болады.
Бұған қоса, жастардың отбасын құруға саналы дайындықсыз келуі де жиі кездеседі. Осындай түйткілдерді шешу үшін ақпараттық, ағартушылық және психологиялық қолдау шараларын жүйелі түрде іске асыру үшін жұмыстар атқарылады.
Жобаның мақсаты – Тараз қаласы тұрғындары арасында отбасы құндылықтарын ілгерілету, ажырасудың алдын алу, тұрмыстық зорлық-зомбылықтың деңгейін төмендетуге ықпал ету. Сонымен қатар әлеуметтік жобадағы басты нысаналы индикатор – кемінде 500 қала тұрғынын қоғамдық ақпараттық шаралармен тікелей қамту.
Жоба аясында төмендегі іс-шаралар ұйымдастырылады:
10 семинар өткізу арқылы кемінде 300 колледж студентін отбасылық қарым-қатынас, ата-аналық жауапкершілік, ажырасудың алдын алу мәселелерімен таныстыру.
Жас отбасыларға тұрмыстық зорлық-зомбылықтың алдын алу бойынша 100 адам адамға арналған дәріс.
Қоғамдық орындарда “Тұрмыстық зорлық-зомбылыққа жол жоқ!” акциясы аясында қазақ және орыс тілдерінде 500 парақша тарату.
“Жас отбасы мектебі” аясында жоғары оқу орындарындағы 100 студентке арналған ақпараттық курс ұйымдастыру.
20 отбасыға кәсіби психологиялық кеңес беру.
4 бейнеролик түсіру: 2 бейнеролик – салауатты отбасылық қарым-қатынасты насихаттау, 2 бейнеролик – әйелдер мен балаларға қатысты зорлық-зомбылықтың алдын алу (ұзақтығы 1,5 минуттан аспайды, әлеуметтік желілерге арналған).
«Отбасы құндылықтары: берік неке, жарқын болашақ» – қоғамның өзегі саналатын отбасы институтының қадірін арттыруға арналған өзекті жоба. Ол жастарды отбасылық өмірге дайындап, әлеуметтік тұрақтылыққа, ұрпақ тәрбиесіне оң ықпал етеді. Бұл – болашаққа салынған берік негіз.
Сурет Sora жасанды интеллектысы арқылы жасалды
Ақпарат Жамбыл облысы әкімдігі ақпарат және қоғамдық даму басқармасының мемлекеттік ақпараттық тапсырыс негізінде жарияланды
