Бүгін Жамбыл медициналық жоғары колледжінің базасында “Ой шебері” зияткерлік ойыны өтті. Ойынға облыс аумағындағы 17 команда қатысты.
Арнайы ойынға қонақ ретінде журналист Ардақ Үсейінова қатысты. Қатысушыларға жылы лебізін білдіріп, сәттілік тіледі.
«Колледж студенттері арасында өткен алғашқы ойында жастардың ой-санасының қалыптасуына оң әсер беретін кітаптар таңдалып алынған. Бауыржан Момышұлының «Ұшқан ұясы» жастардың бойында өмірдің кез-келген сәтінде керек күрескерлік рух қалыптастырады. Шерағаның «Бір кем дүниесі» қоғамдағы түрлі жағдайларды ой елегінен өткізіп, дұрыс анализ жасауға үйретеді. Әр бала, әрбір жас бір-бір үйдің шырақтары, ал «Шырағыңды сөндіріп» алмау бәрінен маңызды, шығармадағы Назира деген кейіпкер арқылы берілетін қазақ әйелінің қайсарлығы, жанкештілігі, көп жасқа үлг» деді Ардай Үсейінова.
Осы ойында М.Әуезов “Қилы заман” повесі, Ш.Мұртаза “Ай мен Айша” және “Бір кем дүние”, Т.Ахтанов “Шырағың сөнбесін” романы, Б.Момышұлы “Ұшқан ұя” шығармаларынан сауалдар қойылды.
Ойын Жамбыл облысы әкімі Ербол Қарашөкеевтің бастамасымен облыстық білім басқармасының қолдауымен «Жамбыл облысы Азаматтық Альянсы» заңды тұлғалар бірлестігі ұйымдастыруда.
Ойын нәтижесі бойынша төмендегідей орындар алды. Олар:
1. Абай атындағы Жамбыл гуманитарлық жоғары колледжі
2. Жамбыл жоғары медициналық колледжі
3. “Береке” гуманитарлық-техникалық колледжі
4. Құлан агротехникалық жоғары колледжі
4. №9 Меркі колледжі
6. №3 Байзақ колледжі
6. Жаңатас көпсалалы колледжі
6. Жамбыл политехникалық жоғары колледжі
9. Тараз инновациялық көпсалалы колледжі
10. Қаратау құрылыс техникалық колледжі
10. “Білім” кәсіби гуманитарлық-техникалық колледжі
12. Тараз “Парасат” жоғары колледжі
12. Тараз сервис және технология колледжі
12. «Астана» көпсалалы колледжі
15. Қаратау технология білім және бизнес колледжі
15. №16 Жуалы колледжі
15. Жамбыл индустриалды технологиялық колледжі
Ендігі ойында оқылатын кітаптар тізімі:
- Мұқағали Мақатаев «Аманат».
- Уәлихан Қалижанов «Жамбыл»
- Оралхан Бөкей «Апамның астауы»
- Әкім Тарази «Ауыл шетіндегі үй»
- Дулат Исабеков «Гауһар тас»
Айта кетейік, «Техникалық және кәсіптік білім беру ұйымдары» лигасында үш ойын жоспарланған. Командалардың жиынтық баллдарынан ойын нәтижесі шығарылмақ.
