«Жамбыл облысы мемлекеттік архиві» коммуналдық мемлекеттік мекемесінің атқарып отырған басты бағыттарының бірі — халыққа мемлекеттік қызмет көрсету, сұраныстарды орындау болып табылады.
Жалпы, Жамбыл облысы әкімдігінің цифрландыру және архивтер басқармасына қарасты 1 облыстық, 1 қалалық, 10 аудандық мемлекеттік архивтер халыққа қызмет көрсетуде.
Қазіргі таңда Жамбыл облысы бойынша мемлекеттік сақтауда 4642 қор, 1 012 958 сақтау бірлікте құжат.
«Цифрлы Қазақстан» бағдарламасын іске асыру мақсатында облыстағы мемлекеттік архивтермен 222 817 сақтау бірліктің 22 073 938 парағы цифрлы форматқа көшірілді. Бұл сақтауда тұрған құжаттың 22 % пайызды құрайды.
Жамбыл облысындағы мемлекеттік архивтердің негізгі қызметі «Ұлттық архив қоры және архивтер туралы» 1998 жылғы 22 желтоқсандағы №326-1 ҚР Заңын, «Архив-2025» жобасын іске асыру жөніндегі іс-шаралар жоспарын, архив саласын дамыту, қызметін жетілдіру, мерзімінде мемлекеттік қызмет көрсету, архивтік құжаттарды цифрлық форматқа көшіру мен электронды архив жүйесін енгізуді қамтамасыз етеді.
Соның ішінде жеке және заңды тұлғалардың өтініштерін орындау, архивтік анықтамалар, архивтік құжаттардың көшірмелерін беру Қазақстан Республикасы Мәдениет және спорт министрінің 2020 жылғы 29 мамырдағы «Архивтік анықтамалар, архивтік құжаттардың көшірмелерін немесе архивтік үзінділер беру» №159 бұйрығымен бекітілген Қағидаға сәйкес жүзеге асырылады. Архивтік анықтама – бұл заңды күшi бар және сұратылып отырған мәселе бойынша архивтік құжаттар негiзiнде дайындалатын мемлекеттiк архивтiң ресми құжаты.
Аталған мемлекеттiк қызмет — архивтiк құжаттар негiзiнде әлеуметтiк-құқықтық сипаттағы мәселелер жөнiндегi мемлекеттiк қызмет берушiмен ақысыз көрсетiлетін қызмет, оған мемлекеттік қызметке жүгінушінің жұмыс өтiлiн, жалақы мөлшерiн, бiлiмiн, марапатталғанын, зейнетақы жарналары мен әлеуметтiк төлемдердiң аударылуын, ғылыми дәрежелері мен атақтардың берiлуiн, пәтерді жекешелендіру кезіндегі отбасының құрамын, жер-су атауларының өзгеруі туралы, мекемелердің ашылғандығы, атауы өзгергендігі, жабылғандығы жөнiндегi мәлiметтердi растау туралы архивтiк анықтама немесе олардың болмауы туралы үзiндiлерi берiледi.
Жамбыл облыстық өңірлік коммуникациялар қызметі
