Бүгін Жамбыл облысы Өңірлік коммуникациялар қызметінде 2024-2025 жылғы қысқы кезеңге дайындық және өрт қауіпсіздігін қамтамасыз ету шараларына арналған баспасөз конференциясы өтті.
Өңірде әлеуметтік осал топтарға ерекше көңіл бөлінуде. Биыл ТЖД қызметкерлері өрт қауіпсіздігі бойынша екі айлық өткізді, 12 586 үйге барып, 27 689 адамға нұсқаулық берді, 293 жиын ұйымдастырды. 1 маусымнан бастап осал топтардың үйлеріне 1722 газ датчигі орнатылды, қараша айында аудандарда пештерді тазалау жұмыстары жүргізілді.
Осы шаралардың нәтижесінде облыста өрт саны 3,4%-ға азайып, қаза тапқандар саны 2,6 есе, жарақат алғандар саны 3 есе төмендеді. Жұмыс БАҚ, әлеуметтік желілер және дауыс зорайтқыш құрылғылар арқылы тұрақты түрде насихатталып, рейдтер мен сенбіліктер ұйымдастырылуда.
Қысқы кезеңде Күйік, Шақпақ, Қордай және Хантау асуларында жедел әрекет ету күштері дайындалды: 348 қызметкер мен 88 техника бірлігі. 19 480 адамды қабылдай алатын 88 жылыну пункті әзірленді, 241,8 тонна жанар-жағармай мен 14 000 тоннадан астам инертті материал қоры бар.
Қар көшкіні қаупі жоғары жол учаскелерінде 5 шақырым қар тоқтатқыш орнатылып, көршілес облыстармен төтенше жағдайларға қатысты өзара іс-қимыл келісілді.
Кешенді дайындықтың арқасында өңір қысқы кезеңге дайын, ал төтенше жағдайлардың алдын алу жұмыстары жалғасатын болады.
Өңірлік коммуникациялар қызметі
