Сотталушы Т. жәбірленуші М.-нан баяғы бас араздықтары бойынша кек алу мақсатында, тергеумен анықталмаған мылтықпен қаруланып, Айша-бибі ауылының маңында орналасқан жәбірленуші күзететін егістік алқапқа барып, денсаулыққа қасақана ауыр зиян келтіру қылмыстық ойы туындап, қолында болған мылтықпен жәбірленушіні бір мәрте атып, оның іш қуысының қан кетуімен қатар жүретін ішкі мүшелеріне зақым келтірместен, іштің алдыңғы қабырғасына енетін атыс жарақаты түріндегі, оның өміріне қауіп төндіретін белгісі бойынша денсаулығына қасақана ауыр зиян келтіріп, оқиға болған жерден бой тасалап қашып кеткен.
Алқабилер қатысатын соттың айыптау кесімімен, қылмыстық істі сот тергеуінде қарау нәтижесі бойынша, сотталушының іс-әрекеттері ҚК-нің 106-бабының 1-бөлігімен сараланды.
Тараптардың позициясы:
Прокурор сотталушы Т.-ға 5 жылға бас бостандығынан айыру жазасын тағайындауды сұрады.
Сотталушы Т. кінәсін мойындамады.
Дәлелдемелер бойынша:
Кінә іс бойынша жиналған дәлелдемелермен: жәбірленушінің, куәгерлерлердің айғақтарымен, мамандар мен сарапшылардың қорытындыларымен және басқа да дәлелдемелермен дәлелденді.
Сот шешімі:
Сот қылмыстық жауаптылық пен жазаны жеңілдететін мән-жайларға сот оның кәмелетке толмаған балаларының болуын жатқызған. Ауырлататын мән-жайлар сотпен анықталған жоқ.
Сот үкімімен Т. ҚК-нің 106 бабының 1 бөлігімен кінәлі деп танылып, қылмыстық-атқару жүйесінің қауіпсіздігі орташа мекемесінде жазасын өтей отырып, 5 жыл мерзімге бас бостандығынан айыру жазасы тағайындалды.
Үкім заңды күшіне енген жоқ.
Қайнар: Жамбыл облысының қылмыстық істер жөніндегі мамандандырылған ауданаралық сотының баспасөз қызметі
