Бүгін Жамбыл облысына Маңғыстау облысының алғашқы медициналық-санитарлық көмек қызметкерлерінен құралған делегация келді. Оларды «Primary Health Care» Ұлттық қауымдастығының басқарма төрағасы Роза Абзалова ұйымдастырды. З1 адамнан тұратын делегацияны Маңғыстау облыстық денсаулық сақтау басқармасының басшысы Бекболат Ізбасаров бастап келді.
ҚР Денсаулық сақтау минстрлігінің «Инновациялық технологияларды енгізу туралы» №288 бұйрығының негізінде Жамбыл облысының Меркі, Талас, Жамбыл аудандары мен Тараз қаласының №2-ші, №5-ші емханаларында ашылған алғашқы медициналық және әлеуметтік көрсетудің «Үздік тәжірибелер» орталығының жұмыс істеп жатқанына 2 жыл уақыт болды.
Бүгінде бұл орталықтар Қазақстандағы алғашқы-медициналық көмек көрсетудің үлгісі болып саналып, барлық басқа облыстар мен аймақтардың емдеу мекемелерінің келіп танысып, біліктіліктерін жетілдіріп,тәжірибе ретінде өздеріне пайдаланатын оқыту орнына айналды.
Осы бұйрыққа сәйкес «Primary Health Care» Ұлттық қауымдастығының сарапшылары облысымыздағы бес «Үздік тәжірибе орталығының» атқарған жұмысы мен көрсеткен қызметтерінің жетістіктерін келушілерге үлгі ретінде көрсетуде.
Денсаулық сақтау басқармасының басшысы Жанар Оспанова және «Primary Health Care» Ұлттық қауымдастығының басқарма төрағасы Роза Абзалова қоғамдық мониторинг және халықпен кері байланыс тетігі және «Халық кеңесі» бойынша мәселелерге тоқталып, «Үздік тәжірибелер орталығының» бұл бағыттағы атқаратын қызметі мен тиімділігін айтты.
Негізгі мақсаты – халық пен медицина арасындағы кері байланысты орнату, тиімді қарым-қатынасты орнықтыру және оны дамыту, қоғамдағы әлеуметтік-медициналық саладағы мәселелердің шешілуіне оң ықпалын тигізу болып табылатын орталық жұмысы туралы келушілерге ақпарат беріліп, олардың сұрақтарына жауаптар берілді.
Алдағы уақытта олармен бірлесіп жұмыс жасалып, өзара тәжірибе алмасулар өткізілетін болды.
Презентациялық көрсетілімнен соң делегация мүшелері 5-қалалық емханасының «Үздік тәжірибелер орталығы» жұмысымен танысты.
Жамбыл облыстық Денсаулық сақтау басқармасы
