Достық үйінде Жамбыл облысы ҚХА Ақсақалдар кеңесі мен «Жастар ассамблеясы» республикалық қоғамдық бірлестігінің облыстық филиалы өкілдері арасында кездесу өтті.
Жиналғандар алдында облыстық мәдениет және жастар ісі жөніндегі ардагерлер кеңесі президиумының төрағасы Мұхаметілда Байшонов, облыстық ардагерлер кеңесі төрағасының орынбасары, облыстық ҚХА ақсақалдар кеңесінің мүшесі, «Архыз» қарашайлар мен балқарлардың «Бірлік» республикалық қоғамдық бірлестігінің Жамбыл облыстық филиалының өкілі Ысмайыл Қажымұратов, ақын, жазушы Майлыбай Смағұлов сөз сөйледі.
Баяндамашылар «Жастар» Ассамблеясы ұйымы мен этномәдени бірлестіктердің өкілдерінҚазақстан халқы үшін татулық пен бірліктің мәні мен маңызы туралы айтып берді. Сондай-ақ түрлі этнос өкілдерінің достық пен өзара қолдаудың арқасында қиын-қыстау кезеңдерден қалай сүрінбей өткені туралы әңгімелеп, естеліктерімен бөлісті.
Мұхаметілда Байшонов: «Ел болашағы жастардың қолында. Келісім мен тұрақтылықты сақтау мемлекеттік саясаттың басым бағыты болып табылатын елімізде сіздердің, жастардың мүмкіндіктері зор. Жақсы оқып, дағдыларды игеріп, өз мамандығыңызға шебер меңгеруге тырысыңыз. Елімізге, аймағымызға пайдалы болуға ұмтылыңыздар»,- деп атап өтті.
Өз кезегінде Майлыбай Смағұлов Достық үйінің жастарды тәрбиелейтін бірегей орын екеніне тоқталды.
Қариялар «Қоғамдық келісім» КММ басшысы Мүбәрәк Жинақбаевамен кездесіп, еңбегі үшін алғыстарын білдірді.
