Бүгін ҚР Энергетика министрлігінде Қазақстан Республикасы мен Ресей Федерациясының энергетика министрліктері арасында Көкшетау, Семей және Өскемен қалаларында ЖЭО салу жобалары бойынша ынтымақтастық туралы келісімге қол қойылды. Тараптар «ИНТЕР РАО – Экспорт» ЖШҚ және «Самұрық-Энерго»АҚ атынан уәкілетті ұйымдарды анықтады.
«Үш облыс орталығында – Семей, Көкшетау және Өскеменде үш жаңа ЖЭО іске асыру энергетикалық көмірдің мол қорын ескере отырып, олардың одан әрі дамуына қуатты серпін береді», — деп атап өтті ҚР Энергетика министрі Алмасадам Сәтқалиев.
Қазақстан тарапынан Уәкілетті ұйым «Самұрық-Энерго» АҚ атынан ағымдағы жылдың өзінде-ақ ЖЭО шоты бойынша бірінші іске асыруды бастау үшін тиісті жол картасын қалыптастырды.
«Самұрық Энерго» АҚ директорлар кеңесінің мүшесі Қайрат Мақсұтов Ресей Қазақстанда жылу электр орталықтарын салу үшін қанша қаржы жұмсалуы мүмкін екенін айтты.
«Бүгінде жобаның құнын айта алмаймыз. Бұл мемлекеттік сараптамадан өткеннен кейін белгілі болады. Смета болмаған кезде индикативті деп аталатын құн бар. (Үкіметтегі — еск.) слайдта көрсетілген болжамды сома — 330 миллиард теңге, әрбір ЖЭО-ға 270 миллиард теңге жұмсалады», — деді басшы Үкіметтің баспасөз орталығында.
- Семейдегі ЖЭО-ға 420 миллиард теңге (алдын ала болжам бойынша);
- Көкшетаудағы ЖЭО-ға 347 миллиард теңге;
- Өскемендегі ЖЭО-ға 490 миллиард теңге (алдын ала болжам бойынша).
Жоспар бойынша жаңа жылу электр орталықтары Көкшетау, Семей және Өскеменде салынады. Оның құрылысына ресейлік «Интер РАО-Экспорт» компаниясы жауапты болады.
Айта кетейік, былтыр 9 қарашада Ресей президенті Владимир Путиннің Қазақстанға сапарының қорытындысы бойынша Көкшетау, Семей және Өскеменде ЖЭО салу жобалары бойынша ынтымақтастық туралы меморандум жасалған еді.
