2024 жылғы 23 ақпанда ҚР Энергетика вице-инистрі Әлібек Жамауов Түркістан облысының тұрғындарымен кездесу өткізді, оның барысында тұрғындарды отын-энергетика кешеніндегі ағымдағы жағдай туралы хабардар етіп, өңір тұрғындарын толғандыратын сұрақтарға жауапберді.
Өз сөзінде Ә. Жамауов Түркістан облысының жаңартылатын энергия көздерін дамыту әлеуеті жоғары екенін атап өтті.
Бүгінгі таңда облыс жаңартылатын энергия көздерінің қуаты бойынша республикада көшбасшы орын алады. Өңірде жалпы қуаттылығы 278 МВт болатын 21 ЖЭК нысаны жұмыс істейді, оның ішінде қуаты 16 МВт 8 СЭС және қуаты 262 МВт болатын 13 КЭС.
Сондай-ақ 2025 жылға дейін қуаттылығы 48 МВт болатын 7 нысанның құрылысы жоспарлануда, оның ішінде қуаты 8 МВт 4 СЭС және қуаты 40 МВт болатын 3 КЭС.
Вице-министр сонымен қатар тұрғындарды өңірді газдандыру мәселесіменде хабардар етті. Бүгінгі таңда тұрғындардың 77 %-ы немесе шамамен 1,6 млн. адам газға қол жеткізе алады. Ағымдағы жылы 14 жобаны іске асыру жоспарлануда, бұл 15 елді мекенді немесе 26 мыңға жуық адамды көгілдір отынмен қамтамасыз етуге мүмкіндік береді.
Облыста энергияның негізгі көздері Кентау ЖЭО және Шардара СЭС болып табылады. Шардара СЭС белгіленген электр қуаты 126 МВт, Кентау ЖЭО 12,5 МВт құрайды. Бұл ретте Шардара СЭС негізгі жабдықтарының физикалық тозуы 5%, ал Кентау ЖЭО-да бұл көрсеткіш 84,5% құрайды.
Өз активтерінде 23,7 мың км кабельдік және әуе электр беру желілері бар «Оңтүстік Жарық Транзит» ЖШС облыстағы өңірлік электр желілік компания болып табылады. Сонымен қатаркәсіпорынның балансында 6 мыңнан астам қосалқы станция бар, электр желісінің физикалық тозуы 57,3% құрайды.
Сонымен қатар Түркістан қаласы 110 кВ желісі бар «Оңтүстік» 110/35/10 кВ ҚС салу және «Алатау» ш/а 110 кВ ӘЖ бар 110/10 кВ ҚС салу жобаларын іске асыру кезінде Ленгер қаласы, Төлеби ауданы, Түркістан облысының 80 мыңға жуық тұрғыны үздіксіз электрмен қамтамасыз етіледі.
