2023 жылы аталған мекемемемлекеттік экологиялық бақылау бөлімі жоспардан тыс 15 тексеру жүргізген. Тексеру нәтижелері бойынша бұзушылықтардың 15 фактісі анықталып 10 нұсқама берілген.
Департаменттің бастамасы бойынша және заңды, жеке тұлғалардан келіп түскен өтініштер, сондай-ақ мемлекеттік органдар мен прокуратура материалдары бойынша 102 әкімшілік іс қозғалған. Оның ішінде 3 ескерту мен 5 бұзушылық хаттамасы шаралар қабылдау үшін сот органдарына жіберілген.
Баяндамашының сөзінше былтыр департамент заң бұзғандарға 5 824 098 теңге айыппұл салып, жыл ішінде 22 сот ісіне қатысқан. Бүгінгі таңда 60 миллионтеңгеден астам сомаға 54 зертханалық аспап сатып алынған.
— «Қазақстан Ғарыш Сапары» ғарыштық мониторингі арқылы Жамбыл облысының аумағында 169 стихиялық қоқыс орны анықталды.Тексеріс нәтижесінде 149 стихиялық қоқыс орны тазартылды.Департамент көрсеткен мерзімде Шу ауданы 9 стихиялық қоқыс орныал Тараз қаласының аумағында 11 стихиялық қоқыс орны тазаланбаған, айыппұл салу арқылы әкімшілік жауапкершілікке Шу, Жамбыл аудандары мен Тараз қаласы әкімдерінің орынбасарлары тартылған.
Департамент басшысыстихиялық қоқыс үйінділерін жою жөніндегі тапсырмаларды орындау мақсатында ғарыш мониторигі бойынша 7 рейд, стихиялық қатты тұрмыстық қалдықтарды зансыз орналастру орындарына 10 рейд жүргізілгенін айтты. Оның сөзінше жыл ішінде департаментке127 өтініш түскен, оның ішінде заңды тұлғалардан 56 өтініш, жеке тұлғалардан 71 өтініш. Барлық өтініштер көрсетілген мерзімде қаралған.
Брифинг соңында сала маманына Turaninfo.kz ақпарат агенттігінің тілшісі: «Казфосфатпен Грэс Батуровтың экологиялық кодексін сақтау бойынша қанша штраф салынды?» деген сауал қойды. Сауалға спикер «Қазір біз Грэс Батуровтың кодексінде жоқпыз, Грэс Батуровқа прокуротураның ұсынысы бойынша кіреміз. Грэс Батуровтың 4-ші тоқсандағы өндіріс көлемі көбейгендіктен, осы жылы қосымша қарастыратын боламыз. Биыл профконтрольға кіргіздік,тексеріп толық айтамыз» деп жауап берді.
