Сарысу аудандық полиция бөлімі патрульдік полиция тобының инспекторы қызмет атқару барысында Жаңатас қаласының тұрғынына автокөлігінің алдыңғы терезелеріне орнатылған перделерді алып тастау туралы ауызша ескерту жасаған. Той аяғында полицейдің кеуде тұсына пышақ сұққан.

ҚАЛАЙ БОЛДЫ?

2023 жылғы шілде айының соңында Сарысу аудандық полиция бөлімі патрульдік полиция тобының қызмет инспекторы ретінде қызмет атқару барысында оның көзінше досының автокөлігінің алдыңғы терезелеріне орнатылған перделерді алып тастау туралы ауызша ескерту жасаған.

Жаңатас қаласында орналасқан мейрамханалардың бірінде үйлену тойда масаң күйде болып, аталған үйлену тойға қонақ ретінде шақырылған бұрын соңды танысы Сарысу аудандық полиция бөлімі патрульдік полиция тобының инспекторын мейрамхананың ішіндегі үстел үстінде тұрған асхана пышағын ешкімге көрсетпей алып, шалбарының сол жақ қалтасына салып, онымен қаруланып полицейді мейрамхана сыртына әңгімелесу үшін шақырған.

Осыдан кейін, полицей мен сотталушы арасында әңгімелесу барысында олардың арасында сөзбе-сөз түсініспеушілік пайда болған кезде, сотталушы асхана пышағымен полицейдің сол жақ кеуде қуысына соққы жасаған.

Полицейдің достары автокөлікке отырғызып, оны сол жерден алып кетіп, оқиға орнынан кетіп қалған. Сарысу аудандық орталық ауруханаға жеткізіліп, білікті медициналық жедел жәрдем көрсету нәтижесінде тірі қалған.

Тараптардың позициясы:

Прокурор сотталушыға 11 жылға бас бостандығынан айыру түріндегі жаза
тағайындауды сұрады. Сот отырысында сотталушы тағылған айыпты ішінара мойындап, іс әрекетіне өкініп, өзінің іс әрекетін абайсызда жәбiрленушiнiң денсаулығына қасақана ауыр зиян келтіру қылмыстық құқық бұзушылығына саралауды сұрады.

Дәлелдемелер бойынша:

Кінә іс бойынша жиналған дәлелдемелермен: сотталушының, жәбірленушінің және куәлердің жауаптарымен, тергеп-тексеру амалдары жүргізілу барысында толтырылған процессуалдық құжаттармен, сараптамалардың қорытындыларымен, сондай-ақ қылмыстық істің өзге де материалдарымен дәлелденді.

Сот шешімі:

Сот қылмыстық жауапкершілігі мен жазасын жеңілдететін мән-жайларға, оның іс әрекетіне өкінетінін, асырауында жасөспірім баласы барын, тұрғылықты жерінен жақсы жағынан мінезделуін табады. Қылмыстық жауапкершілігі мен жазасын ауырлататын мән- жайларға, оның қылмыстық құқықбұзышылықты масаң күйде жасағандығын табады. Сот үкімімен сотталушы ҚК-нің 24-бабы 3-бөлігі — 99-бабының 1-бөлігімен кінәлі деп танылып, қылмыстық-атқару жүйесінің орташа қауіпсіздік мекемесінде жазасын өтей отырып, 9 жыл 6 ай мерзімге, ҚК-тің 60-бабы 1-бөлігінің талабына сай, Алматы қаласының Алмалы аудандық сотының 15.02.2023 жылғы сот үкімі бойынша тағайындалған жазаның өтелмеген бөлігін ішінара қосу жолымен түпкілікті жаза ретінде 11 жыл 6 ай мерзімге бас бостандығынан айыру жазасы тағайындалды.