Бүгін Таразда Тұңғыш Президент саябағында орналасқан жаңа жылдық шыршаны қасақана өртеп жіберді.
Дереккөздердің хабарлауынша, ер адам шыршаны өртеп жіберуге әдейі барған. Ол өз ойынша, Қазақстанда Жаңа жылды тойламау керектігін басшылыққа алған.
Әкімдік саябақтағы шыршаны қалпына келтіруге шамамен 2,8 миллион теңге қажет екенін айтты. Шығынды сот рақылы қасақана өртеген азаматтан өндірілмек. Бұл сомаға барлық шығын материалдары мен қызметкерлердің қызметтері кіреді. Шенеуніктер ағаштың кешке дейін қалпына келтірілетінін тілге тиек етті.
Еске сала кетейік, бүгін әлеуметтік желіде Таразда өртеніп жатқан жаңа жылдық шыршаның видеосы тараған болатын. Келген өрт сөндірушілер өртті небәрі бір минутта сөндірді. Ал полицейлер өрт қоюшыны, былайша айтқанда, «өртенген ізде» ұстады. Ол 56 жастағы ер адам болып шықты.
Құқық қорғау органдары қазірдің өзінде ҚР Қылмыстық кодексінің 202-бабы «Бөтеннің мүлкін қасақана жою немесе бүлдіру» бойынша сотқа дейінгі тергеуді бастап кетті.
