Сотпен не анықталды:
Сотталушы Д.С. пен А.О. арасында жанжал орын алып, Д.С. сотқа дейінгі тергеп-тексеру кезінде анықталмаған пышақ түріндегі қылмыс қаруын қолданып, тікелей қылмыстық пиғылымен А.О.-ның кеуде қуысының сол жағына, жүрегінің оң қарыншасының қуысына енген, бір терең пышақ жарақатын салып, оқиға орнынан бой тасалаған. Нәтижесінде, А.О. гиповалемикалық шокпен асқынған көп мөлшерде сыртқы және ішкі қан кетуден қайтыс болған.
Сотталушы Д.С. аса ауыр қылмыс жасағаны үшін жойылмаған сотталғандығы бар бола тура қайтадан аса ауыр қылмыс жасағандықтан, сот оның әрекетінде қылмыстардың қауіпті қайталануын таныды.
Тараптардың позициясы:
Прокурор сотталушы Д.С.-қа 16 жылға бас бостандығынан айыру түріндегі жаза тағайындауды сұрады.
Сотталушы Д.С. жасаған іс-әрекетіне өкінеді, тағылған айыпты мойындамайды, себебі А.О.-ны өлтіру пиғылы болмаған, барлығы кездейсоқ болған, сондықтан өз әрекетін Қылмыстық кодекстің 106-бабының 3-бөлігімен саралауды сұрады.
Дәлелдемелер бойынша:
Кінә іс бойынша жиналған дәлелдемелермен дәлелденді: куәгерлерлердің жауаптарымен, сарапшылардың қорытындыларымен, қылмыстық іс материалдары және басқа да дәлелдемелермен.
Сот шешімі:
Қылмыстық жауаптылық пен жазаны жеңілдететін мән-жайлар ретінде, сот оның шын жүректен өкінуін, жас балаларының болуын таныды.
Қылмыстық жауаптылық пен жазасын ауырлататын мән-жайлар ретінде, сот қылмыстардың қауіпті қайталануын танады.
Сот үкімімен ҚК-нің 99-бабының 1 бөлігі бойынша Д.С.-қа қылмыстық-атқару жүйесінің қауіпсіздігі барынша жоғары мекемесінде жазасын өтей отырып, 15 жыл мерзімге бас бостандығынан айыру жазасы тағайындалды.
Үкім заңды күшіне енген жоқ.