Қазақ спортшылары өткен аптада көптеген марапаттарға ие болды.
Нұр-Сұлтанда дзюдодан Азия чемпионаты аяқталды. Данияр Шамшаев алтын, Әбиба Әбужақынова (48 кг) және Ислам Бозбаев (100 кг) күміс жүлдегер атанды. Ал Мағжан Шамшадин (60 кг), Ғұсман Қырғызбаев (66 кг), Дидар Хамза (90 кг), Аруна Жангелдина (78 кг), Нұрлыхан Шархан (100 кг) қола медаль алды.
Канадада өткен әлем чемпионатында Виктор Степанов 200 метр қашықтықта каноэ есуден қола медаль жеңіп алды.
Румынияда өткен халықаралық турнирде Айдос Сұлтанғали (60 кг), Ернұр Фидахметов (63 кг), Ибрагим Магомадов (72 кг), Тамерлан Шадукаев (77 кг) және Мирас Баршылықов (82 кг) жеңімпаз атанса, екінші орын иегерлері: Ғалым Қабдунасаров (63 кг), Ерұлан Ысқақов (97 кг), Әлімхан Сыздықов (130 кг). Шамиль Батыров (82 кг) қола жүлде алды.
Еркін күрестен Данияр Қайсанов (74 кг) және Әділет Дәулімбаев (92 кг) алтын медаль алса, Абзал Өкенов (57 кг), Жігер Закиров (79 кг) және Юсуп Батырмұрзаев (125 кг) күміс медаль иегерлері атанды. Қола жүлдегерлер: Дәулет Ергеш (79 кг), Бибарыс Нұрыллаұлы (79 кг), Ислямбек Ислямов (86 кг), Бекзат Үркімбай (97 кг), Серік Бақытханов пен Олег Болтин.
Стенд атудан Азия чемпионатында Қазақстан 11 медаль жеңіп алды. Алтын медаль иегерлері: Ольга Панарина (жеке), Ольга Панарина, Мухамедиев Александр (микс) және Эдуард Ещенко (жеке). Күміс жүлдегерлер: Анастасия Молчанова, Зоя Кравченко, Орынбай Әсем (команда), Мария Дмитриенко, Виктор Хасянов (микс), Александр Мухамедиев (жеке). Қола медаль иегерлері: Мария Дмитриенко, Сәрсенкүл Рысбекова, Айжан Досмағамбетова (команда), Зоя Кравченко (жеке), Зоя Кравченко, Давид Почивалов (микс), Александр Ещенко, Давид Почивалов, Эдуард Ещенко (команда) жеңіп алды.
Айта кетейік, осы күндері Владивостокта «Азия балалары» атты кешенді іс-шара өтіп жатыр, оған 12 елден 1355 спортшы қатысуда. Осынау байрақты бәсекеде Қазақстан құрамасы 15 медаль жеңіп алды. Таеквондо( 1 алтын, 3 қола), дзюдо (2 алтын, 2 күміс, 7 қола медаль).
Бүгін Қазақстан әйелдер құрамасы дүниежүзілік шахмат олимпиадасының басты фавориті-Үндістанмен ойнайды. Қазір қазақ шахматшылары турнирлік кестеде үшінші, ал Үндістан екінші орында тұр.
Еліміздің мерейін үстем еткен жеңімпаздар мен жүлдегерлерді құттықтаймыз, жеңіс тұғырынан әркез көріне берсін, деп тілейміз!
