Жамбыл облысы мәслихаты VII шақырылым депутаттарының арасынан дау шықты.
«Жамбыл облысы Қоғамдық кеңесі» құрамын бекіту мәселесін талқылау кезінде қоғамдық кеңесті қалыптастыратын жұмысшы топ басшысы, Жамбыл облыстық мәслихат депутаты Ерқанат Мәнжуов баяндама жасады. Ол ұсынылған 15 адамға толықтай дауыс беруге шақырды. Бірақ Жамбыл облысы мәслихат хатшысы Махметқали Сарыбеков әрбір үміткерге жеке-жеке дауыс беруге ұсыныс тастап, көпшілік оны бірден қолдап кетті. Осы жәйтқа Жамбыл облыстық депутаттары Е.Мәнжуов (комиссия төрағасы, «Аманат» партиясы), Е.Саурықов (комиссия мүшесі, «Ауыл» партиясы), Б.Тілебаев («Ақжол» партиясы), С.Рысбаева («Ауыл» партиясы), Ш.Абдрахманов («Ақжол» партиясы), Т.Жолтаев («Ауыл» партиясы) шамданып, орындарынан тұрып, залдап шығып кетті.
СЕССИЯДАҒЫ ДАУ
Даудың басы «Жамбыл облысы Қоғамдық кеңесі» құрамын бекітуден басталды. Қалыптастыру комиссиясының ұсынысымен үміткердің 11-і депутаттардан қолдау тауып, төртеуі қолдаусыз қалды. Қолдау таппағандар Нариман Мауленов (кәсіпкер), Уалихан Сексенбаев («Нәркес-Строй маркет» ЖШС директоры), Құрманбек Сағынбеков (Халықаралық Тараз инновациялық институты, Заң факультетінің «Азаматтық және қылмыстық құқық» кафедрасы, доцент), Аманжол Аманбаев (зейнеткер, ЖО әкімдігі Ауыл шаруашылығы басқармасы Ардагерлер кеңесінің төрағасы, «Ауыл» партиясы).
ҚАТЫСЫМ ЖОҚ
Ерболат Саурықов жақында ғана мемлекет басшысынан «Құрмет» орденін алған, Халықаралық Тараз инновациялық институтының ректоры, Жамбыл облысы бойынша «Ауыл» партиясының төрағасы Жамбыл облыстық Қоғамдық кеңесі құрамына енгізілген Халықаралық Тараз инновациялық институты, Заң факультетінің «Азаматтық және қылмыстық құқық» кафедрасы, доцент Құрманбек Сағынбеков пен «Ауыл» халықтық-демократиялық патриоттық партиясының ұсынысымен түскен зейнеткер Аманжол Аманбаевқа қатысы жоқ екендігін мәлімдеді. Сонда өзі басқаратын партия мен оқу орын басшысы ретінде қолдау білдірмеді дегенге ешкім сенбеді.
«АҚЖОЛДЫҚТАР» ӨЗІНІҢ КӨШБАСШЫСЫН ҚОЛДАМАДЫ
Жамбыл облысы мәслихат сессиясында «Ақжол» партиясынан ұсынылған Муханбеталы Шалқарбеков Шолпан Рысалиеваны қолдауға қатысып, ал Б.Тілебаев пен Ш.Абдрахманов өз орындарынан тұрып кетті.
БРИФИНГТЕ НЕ АЙТЫЛДЫ?
Бірінші брифингте мәслихат хатшысы Махметқали Сарыбеков «әдепсіз» депутаттарды өзінің адамдарын өткізу үшін осындай әрекет жасады деп отыр. Екінші тарап «циркті» ұйымдастырған Сапарбаев пен Сарыбеков, олардың әрекеттерін сотқа береміз деген пікірлерін білдірді.
