Жаңа маусым басталмай тұрып “Тараз” ФК президенті Жандос Ахметов, спорттық директор Азамат Ниязымбетов, бас бапкер Нүркен Мазбаевтың қатысуымен баспасөз конференциясы өтті.
Клуб басшысы Жандос Қуанышұлы сөз басында “Жай-жай айлықтарды жауып жатырмыз. Енді болашақта Құдай қаласа барлық қарызды жабуға ниет қылып отырмыз. Біздің “титулдық” спонсорымыз «Қазфосфат» ЖШС болмақ” деді.
Клуб жаттықтырушысы Нүркен Мазбаев команда қатарына Нұрлан Даировты, болгардық Милан Гамаков, грузиндік орталық қорғаушы Лука Гадрани, гаитилік Алекс Жуниор, ресейден Денис Кавлинов деген қақпашы, ал алдыңғы шепке Жорже Элиас деген бразилиялық шабуылшы қосылды деп үн қатты.
ӘЛЕУМЕТТІК ЖЕЛІДЕН ҚАҚПАШЫЛАРДЫҢ БАПКЕРІ ДАУ ШЫҒАРДЫ. НЕГЕ?
Бұл сұраққа Жандос Ахметов былай жауап берді. Александр Глущенкомен келісімшартқа Талғат Тұрлыбайұлы тұрған болатын. Түркиядағы оқу жаттығу кезінде Александр қақпашыларды жаттықтырып жүрді. Клуб бухгалтериясынан келісімшарт табылмады. Бірақ өзіңде бір нұсқасын көріп, онда жазылған жалақыны көріп “шошып” кеттім. Оған түсіндіріп айттым, ондай қаражат төлейтін қаражат жоқ. Бас бапкердің өзі ондай қаражат алмайды. Жалақынды түсіріп, қайта келісімге келейік деп ұсыныс білдірдік. Бірақ ол кісі келіспей шағымданатынын білдірді деді Жандос Қуанышұлы.
СЕЙСЕНДІ САТЫП, КАВЛИНОВ БІРІНШІ НОМЕРЛІ ҚАҚПАШЫ БОЛУЫ МҮМКІН
Ұлттық құраманың бас бапкері Мұхамеджан Сейсенді бірінші номерде көргісі келіп отыр. Егер де, клубтар Сейсен үшін жақсы ақша беретін болса, онда сатуға тырысамыз, мынау тығырықтан шығу үшін. Басты мақсатымыз осы тығырықтан шығу. Үкімектен ғана ақша табу емес, тағыда ақша табу біздің мақсат.
БАС БАПКЕРДІҢ ТУЫСЫ КОМАНДАҒА ҚҰРАМЫНА ҚАЛАЙ ЕНДІ?
Клубтың бас бапкері Нүркен Мазбаев Ерсұлтан Қалдыбековті інісінің ұлы екендігі туралы растады. Ерсұлтан 2002 жылғы, 2010 жылдан бері футбол орталығына келіп бастаған. Содан кейін Испаниядан бапкерлері іріктеу жасап алып кеткен еді. Турциядағы турнирден үздік ойыншыны алып келді. Оны статистикадан көруге болады. Соңғы 2 жылда негізгі құрамада жаттығып жүрген бала. Менің туған інім де футбол ойнаған. Ойыншының деңгейі биік болса ол сенің ұлың ба, қызың ба онда тұрған ештеңе жоқ деп ойлаймын. Мен өз мүддем үшін жұмыс істемеймін. Футболдың және клубтың мүддесі үшін жұмыс істейтін адаммын. Мен ондайға ешқашан бармаймын. Мен футболды алдай алмаймын деп қорытындылады Нүркен Қалдыбекұлы.
Қорытындылай келе, “Тараз” футбол клубы басты мақсаты қарыздардан құтылып, ел біріншілігінен абыроймен ойнайды деген сенім білдіремін.
