«Жамбылинфо» ақпарат агенттігі «Қаңтар оқиғасы. Антына адал сақшы қыздар!» атты қысқаметражды деректі фильмі әлеуметтік желі пайдаланушылардың тарту етілді.
Фильмның басты кейіпкері бала кезінде әншілікті серік еткен, студенттік шағында қоғамдық жұмыспен етене атсалысқан, көпбалалы ана, Жамбыл облысы полиция департаменті баспасөз қызметінің басшысы Гүлсара Мұхтарқұлова.
Түнгі екі жарым шамасында ғимараттарды өртей бастады. Төрт ғимаратымыз өртенді. Қыздарым «Мама, қойшы, жыламашы» деп мені жұбатып әлек. Бірақ қалай жыламайсың?! Жұмыс орнымыз, музейіміз, ондағы тырнақтап жинаған экспонаттарымыздың бәрі тып-типыл болды, – дейді көп балалы ана.
Гүлсара Рақымжанқызы осындай қырғынның енді ешқашан қайталанбағанын тілейді.
Мені қуантатын екі жайт бар. Біріншісі, мен осы оқиғадан кейін полицейлердің қатары сиреп қала ма деп қорықтым. Жоқ, ондайды байқамадым. Екінші қуантқаны, күн сайын бізге әлеуметтік желілер арқылы отыз-қырық шақты адам жазып, жұбату сөздерін айтып, рухани қолдау білдіруде. Бүлінгеннің бәрі орнына келер. Болашақта бұдан да жақсы күндерге жетерміз. Тек мынадай сұмдық енді ешқашан қайталанбаса екен деймін, – деді ол.
