Жамбыл облысы әкімдігінің мәдениет, архивтер және құжаттама басқармасы Облыстық халық шығармашылығы орталығының ұйымдастыруымен «Баласағұн» орталық концерт залында «Туған жерім — дархан далам!» тақырыбындағы облыс аудандарының Тараз қаласындағы күндері аясындағы гала – концерті
Қазақстан Республикасы Тәуелсіздігінің 30 жылдығына орай «Туған жерім – дархан далам!» тақырыбындағы облыс аудандарының Тараз қаласындағы күндерінің Гала концерті ұйымдастырылды. Елбасы Н.Ә.Назарбаевтың «Болашаққа бағдар: Рухани жаңғыру» бағдарламасын жүзеге асыруға және Қазақстандық патриотизмді, ұлттық құндылықтарымызды дамытуға ықпал ететін іс шаралардың сапасын арттыруға бағытталған. Сонымен қатар, жастарды Отансүйгіштікке тәрбиелеу, шығармашылыққа деген талпынысты арттыруға негізделген. Аудан өнерпаздарының кәсіби шеберлігін жетілдіру және оларды көпшілікке таныту мақсатында ұйымдастырылған іс-шарада қазан-желтоқсан айларында жүзеге асқан аудан күндері аясындағы үздік деп танылған әр ауданның өнерпаздары өз өнерлерін көрсетті. Олардың қатарында Меркі ауданынан «Асыл мұра» фольклорлық этнографиялық тобы, Шу ауданынан Ербосын Қасымбеков, Сарысу ауданынан Ахат Кенжебаев, Талас ауданынан Бекзат Сейдалиев сынды өнерпаздар өз өнерлерін ортаға салып, әуелете ән шырқап, күмбірлете күй шертті. Іс-шараға аудан өнерпаздары, зиялы қауым және БАҚ өкілдері мен қала тұрғындары қатысты.
Концерттік бағдарламада құлақ құрышын қандыратын әуезді әндер орындалып, орындаушылар көрермендердің қошеметіне бөленді. Олардың қатарында «Туған жер», «Ақбұлақ» , «Күй тартыс», Молдабайдың әні «Молдабай», халық әні «Ақ- айша», Ақселеу Сейдімбектің «Дәурен-ай»,
Майраның әні «Майра» әндерін Меркі ауданынан келген «Асыл мұра» фольклорлық этнографиялық тобы, Шу ауданынан келген Ербосын Қасымбеков, Ақтілек Дюйсембаева, Ахат Кенжебаев, Бекзат Сейдалиева көрерменге жеткізді. Сондай-ақ, эстрадалық әндер де шырқалып, көрермен қошеметіне ие болды. Концерттік бағдарлама рух беріп, шалқар шабыт сыйлайтын «Өз елім» әнімен қорытындыланды.
