Жамбылдық полицейлер «Anti-fraud» жедел-профилактикалық іс-шарасын өткізуде

Қазақстан Республикасы Ішкі істер министрлігінің нұсқауына сәйкес, 2021 жылдың 9-тамызынан бастап республика аумағында «Anti-fraud» жедел- профилактикалық іс шарасы өткілуде. Аталған іс-шараның мақсаты – интернет-алаяқтыққа қарсы күрес, ақпараттық технологияларды пайдалана отырып жасалатын өзге де құқықбұзушылықтарды анықтау, жолын кесу және болған қылмыстарды дер кезінде ашу. «Anti-fraud» жедел-профилактикалық іс-шарасының төртінші күндік қорытындысы бойынша 27 жайт анықталып, ашылып отыр. Республика аумағында басталған «Anti-fraud» жедел профилактикалық іс-шарасы 15- тамызда аяқталады. Ақпараттық жүйені пайдаланушыны алдау немесе сенімін теріс пайдалану жолымен алаяқтық жасағаны үшін ҚР ҚК 190-бабы 2-бөлігі 4-тармағы бойынша — мүлкi тәркiленiп, төрт жылға дейiнгi мерзiмге бас бостандығынан айыруға жазасы қарастырылған.