Қазақстан Республикасы денсаулық сақтау саласын дамытудың 2020-2025 жылдарға арналған мемлекеттік бағдарламасы Жамбыл облысында жүйелі түрде жүзеге асып келеді. Халықтың денсаулығын сақтау — мемлекеттік саясаттың басты стратегиялық бағыттарының бірі.2020 жылы пайда болған COVID-19 пандемиясы Денсаулық сақтау жүйесінде бірқатар кезек күттірмейтін проблемаларды көрсетті, атап айтқанда, инфрақұрылымды жаңғырту, материалдық-техникалық базаны нығайту, медицина персоналының кадрлық кәсіптік даярлық деңгейін арттыру және т. б.
Әрине, бар проблемаларды шешу үшін айтарлықтай инвестициялар қажет. Біз қазір басшылыққа алып отырған негізгі құжат – бұл денсаулық сақтауды дамытудың 2020 — 2025 жылдарға арналған мемлекеттік бағдарламасы, онда халықтың денсаулық жағдайын және медициналық көмек көрсету деңгейін сипаттайтын орындалуы міндетті индикаторлар белгіленген. Бағдарламаның басты нәтижесі күтілетін өмір сүру ұзақтығын 2025 жылға қарай — 74,5 жасқа дейін ұлғайту.Демографиялық көрсеткіштер бойынша, 2020-2021 жылдардағы есептік-жылдық деректерге сәйкес облыс бойынша 2021 жылғы 31 мамырдағы халықтың табиғи өсімі 1000 тұрғынға шаққанда 17,58 (2020 ж. – 16,25), туу көрсеткіші – 25,47 (2020 ж. — 21,88), жалпы өлім-жітім көрсеткіші – 3,3 (2020 ж. – 2,4) құрайды. Ана өлімінің деңгейі (100 мың тірі туғанға) көрсеткіші бойынша 3 ана өлімінің жағдайы тіркеліп, көрсеткіш 21,5-ті құрап отыр. 2020 жылдың ұқсас кезеңінде 1 ана өлімі тіркелген (7,6). Нәресте өлімінің деңгейі 8,4-ті құрады (2020жыл-6,1).
Тұрғылықты жері бойынша нәресте өлім-жітімінің көрсеткіші 2020 жылғы 6,1 көрсеткішпен салыстырғанда 1000 тірі туғандарға шаққанда 2021 жылы 30 маусымға 8,4 құрады. Әлеуметтік мәні бар аурулардың өлім-жітім көрсеткіштері: қатерлі ісіктерден болатын өлім-жітім 30,5-тен (2020 ж.) 27,8-ге дейін, артериялық гипертониядан болатын өлім-жітім 1,6-дан (2020 ж) 1,3 дейін, миокард инфарктісінен болатын өлім-жітім 2,5-тен (2020 ж.) 2,3-ке дейін, туберкулезден болатын өлім-жітім 0,8-ден (2020 ж.) 0,6-ға дейін төмендеуі байқалады. Тыныс алу жүйелері ауруларынан болатын өлім-жітім 35,0-ден (2020 ж.) 40,7-ге дейін артуы байқалады.
Материал Жамбыл облысы әкімдігінің ішкі саясат басқармасының тапсырысы бойынша дайындалды
