Жамбыл облысы әкімдігі денсаулық сақтау басқармасы Тараз қалалық №7 емхананың бас дәрігері қызметіне Жұманқұлов Марат Сейітбекұлы тағайындалды. Марат Сейітбекұлы еңбек жолын 1983 жылы Семей медициналық институтында лаборант болып бастап, медицина саласының барлық сатысынан өткен. Ал 2017 жылдың 12 шілдесінен Жамбыл облысы әкімдігі денсаулық сақтау басқармасы басшысы қызметіне тағайындалған болатын. Жұманқұлов басқарма басшысы қызметінен тура бір жыл бұрын кеткен болатын. Өз еркімен кетуіне бірнеше себеп болған етін. Оның екеуін айта кеткен жөн. Біріншісі, Жуалы аудандық аурухана қызметкерлерінен пандемия кезінде мемлекеттен берілген үстемақылары жиналу туралы фактісі орын алса, екіншісі, өзінің тікелей қызметіндегі бас есепшінің ҚР Қылмыстық кодексінің 190 баптың 3 бөлім 1,2 тармақтары, 361 баптың 4 бөлім 3 тармағы бойынша қылмыстық істі Тараз қалалық №2 сотының судьясы Г.Аманбаев қарауда.
Жуалы аудандық орталық ауруханасының бас дәрігері болып қызмет істеп, өткен жылдың қазан айында қызметінен босатылып, жоғары соттың шешімімен қайта қызметке келіп отырған Батихан Алпысбай. Б.Алпысбайдың тікелей бағынысты орынбасары Абзал Байтореев пен әкімшілік бөлім басшысы Хамза Оманов Жуалы аудандық сотымен әрқайсысы 4 жыл шартты түрде бас бостандықтан айырылған болатын.
Мемлекет басшысының тапсырмасымен қарамағындағы қызметкерге қатысты сот үкімі күшіне енген кейін жұмыс беруші бір ай көлемінде бірінші басшыға қатысты шешім қабылдауы тиіс. Қазіргі таңда Байтореев пен Омановқа қатысты қылмыстық іс Жамбыл облыстық сотының алқа отырысында қаралуда.
Айта кетерлігі, Жуалы аудандық сотының жекеше қаулысы шығып, Батихан Алпысбайдың әрекеті бойынша Жамбыл облыстық прокуратурасына жолданған болатын. Біздің ақпарат агенттікпен Жамбыл облысы прокуроры Нұрғалым Әбдіров атына сауал жолданып, жауабын қосымша хабардар ететін боламыз.
TURANINFO.KZ
