2021 жылғы 20-21 мамыр аралығында шетел азаматтарының мемлекеттік аумаққа жаппай көшуі жағдайындағы іс-қимылдарға азаматтық қорғаудың мемлекеттік жүйесінің облыстық кіші жүйесін дайындау мақсатында Ағын-2021 Республикалық командалық-штабтық оқу- жаттығулар шеңберінде Жамбыл облысы әкімінің орынбасары Ұ. Е. Жазылбековтың басшылығымен Жамбыл ауданының аумағында Ағын-2021облыстық командалық — штабтық оқу-жаттығуы өткізілді.
Аталған оқу-жаттығудың негізгі мақсаты жергілікті атқарушы органдардың босқындардың Қазақстан Республикасының аумағына жаппай көшуі жағдайында іс-қимыл жасауға әзірлігі мен қабілетінің деңгейін арттыру; жергілікті атқарушы органдардың босқындарды мемлекеттік шекара арқылы жаппай өтуі жағдайында қабылдау және орналастыру бойынша бағынысты күштерді басқару жөніндегі жұмысында үйлесімділікті жетілдіру болып табылады; босқындарды қабылдау және орналастыру бойынша бірлескен іс-қимылдар барысында ведомствоаралық өзара іс- қимылдың және азаматтық қорғаудың аумақтық қызметтерінің іс- қимылдарын жан-жақты қамтамасыз етудің негізгі мәселелерін пысықтау.
Жамбыл облысы Жамбыл ауданында 2021 жылдың 21 мамырында сағат 10-00-де Ағын-2021 облыстық командалық-штабтық оқу-жаттығуы басталды. Жамбыл облысы ТЖ департаментінің күштері мен құралдары жоғары дайындық режиміне келтірілді. Белгіленген уақытта сигнал алғаннан кейін Департамент азаматтық қорғаныс басқармасының бастығы Руслан Шариевтің басшылығымен бірлескен жедел штабтың жұмысын ұйымдастырды.
Жедел штабтың жұмысына шартты төтенше жағдайды жоюға қатысатын облыстың азаматтық қорғау қызметтерінің және облыстың барлық ұйымдарының өкілдері қатысты. Жедел штаб азаматтық қорғау қызметтерінің өкілдерімен бірлесіп, жағдайды бағалау, шетелдік азаматтардың Жамбыл облысының аумағына жаппай көшуі кезінде мүмкін болатын төтенше жағдайларды жою бойынша жұмыс жүргізуде. Алынған дабыл бойынша Жамбыл облысы Төтенше жағдайлар департаментінің кезекші қызметі тиісті мекемелер мен ұйымдарды хабардар етті.
Тартылған азаматтық қорғау құралымдарының күшімен және құралдарымен Жамбыл ауданының әкімдіктерімен бірлесіп, босқындар лагерлерінің, Фильтрациялық пункт (ФП) және Қазақстан Республикасының Мемлекеттік шекарасы арқылы өткізу пункттерінің жұмыстарын өрістетуді және ұйымдастыруды қамтамасыз ету, ФП-да ақпаратты жедел жинау мен жинақтауды жүзеге асыру бойынша жұмыстар жүргізілді; келген шетелдіктерді, оның ішінде отбасы құрамын есепке алуды жүргізу жөнінде ұсыныстар енгізу;
Жамбыл облысының Денсаулық сақтау басқармасымен және ПД-мен бірлесіп, инфекциялық аурулардың, нашақорлықтың, атыс және басқа да жарақаттардың белгілерін анықтау, шетелдіктерді орналастыру үшін лагерьлерде күзетуді және қоғамдық тәртіпті сақтауды ұйымдастыру тұрғысынан медициналық қарап-тексеруді және басқа да қажетті рәсімдерді ұйымдастыру.
Оқу-жаттығуға жергілікті атқарушы органдар, Полиция департаменті, 5513 әскери бөлімі, Ұлттық Ұлан тартылды: Жалпы, жұмылдырылған күштер мен құралдар қойылған міндеттерді тиісті деңгейде орындап, көктемгі кезеңдегі төтенше жағдайларға дайындығын көрсетті.
Командалық-штабтық оқу-жаттығуларға жеке құрамнан — 97 адам, 11 — бірлік техника жұмылдырылды. Облыстық қызметтердің барлық жұмылдырылған күштері мен құралдары, тартылған қызметтерінің нақты дайындығын, үйлесімділігін, өзара іс-қимылын және жасақталуын көрсетті.
Жамбыл облысы Төтенше жағдайлар департаменті
