Тараз қаласының Полиция басқармасы Жедел басқару орталығының сыртқы бақылау камералары арқылы Жамбыл даңғылы бойында қарама-қарсы қозғалыс жолағына шығып, бағдаршамның тыйым салынған белгісіне өтіп, қауіпсіздік белбеуін тақпаған ВАЗ 2110 маркалы автокөлік жүргізушісінің жол қозғалысы ережелерін бұзу деректері тіркелді.
Жүргізуші ҚР ӘҚБтК 596-бабының (Жолдың жүру бөлігінің қарсы жүруге арналған жағына, егер бұған жол жүрісі қағидаларында тыйым салынған, оның ішінде бұрылуға немесе бұрылуға ұштасқан жағдайларда шығу), 599-бабының1-бөлігі (Бағдаршамның тыйым салатын белгісіне немесе реттеушінің тыйым салатын қимылына жүріп өту) және 593-бабының 2-бөлігі (Қауіпсіздік белдіктерін пайдалану қағидаларын сақтамау)
бойынша әкімшілік жауапкершілікке тартылды.
«Toyota» және «Lexus GX 470» маркалы көлік құралдарының жүргізушілері алдыңғы бүйір әйнектері қараңғыланған автокөліктерді басқарып, ҚР ӘҚБтК 590-бабының 5-бөлігі бойынша әкімшілік жауапкершілікке тартылды. «Тойота» көлігінің жүргізушісі автомобильді артқы мемлекеттік тіркеу нөмірлік
белгісінсіз басқарған және оған қатысты ҚР ӘҚБтК-нің 590- бабының 1-бөлігі (Мемлекеттiк тiркеу нөмiрi белгiлерi (белгiсi) оқылмайтын немесе ұлттық стандарттың талаптарына сәйкес келмейтін немесе белгіленген орындардан тыс жерде орнатылған, тiркелген көлiк құралын басқару) бойынша әкімшілік хаттама толтырылды.
ҚР ӘҚБтК-нің 596-бабының 3-бөлігі бойынша (Егер жол жүру ережелерінде тыйым салынған, оның ішінде бұрылу немесе бұрылу ұштасқан жағдайларда жолдың жүру бөлігінің қарсы қозғалысқа арналған жағына шығу) Сыпатай батыр көшесі бойында қос тұтас жолақ арқылы бұрылған «Hyundai Сreta» маркалы көлік
құралының жүргізушісіне қатысты әкімшілік хаттама жасалды. Осы құқық бұзушылықты жасау алты ай мерзімге көлік құралдарын жүргізу құқығынан айыруға әкеп соғады. Қос тұтас жолақты кесіп
өткен ВАЗ 21083 және Ваз 2110 автокөліктерінің жүргізушілері де осындай жауапкершілікке тартылды.
