Жамбылда биыл медициналық құрал-жабдықтарға 2,477 млрд. қаражат бөлінді. Оған емдеу алдын-алу ұйымдарына 120 дана медициналық құрал-жабдықтар сатып алу жоспарланған. Бұл туралы бүгін ӨКҚ алаңында облыстық денсаулық сақтау басқармасы басшысының орынбасары Хамит Мырзақасымов айтты. Ол брифингте «Nur Otan» партиясының «Өзгерістер жолы: әр азаматқа лайықты өмір!» атты сайлауалды бағдарламасын іске асыру жөніндегі Жол картасының орындалуы бойынша түрлі бағыттарға тоқталып өтті.
Меджабдықтар алу бағдарламадағы 70-ші бағытқа жатады. Жалпы, Жол картасында денсаулық сақтау саласына қатысты 12 тармақ бар десек, ол 64-ші тармақтан басталады. Ол дәрігерлер біліктілігін арттыруға арналған.
«65-ші тармақ ол — Тараз қаласындағы 200 төсек-орындық облыстық онкологиялық диспансер салу» нысанының құрылысы жөнінде. Ол 2018 жылдың қараша айында басталған. 66-ші тармақ — Облыс бойынша жалпы өлім-жітім көрсеткішін төмендету бойынша атқарылатын жұмыстарға арналған. 67-ші тармақ — Нәресте өлім көрсеткішін төмендету бойынша атқарылатын жұмыстарға арналған. 68-ші тармақ — 2021 жылдың 1 тоқсанында 3 ана өлімі тіркеліп, көрсеткіш — 45,0-ді құрады. 69-ші тармақ — 5000 тұрғынға 1 мобильдік топ ұйымдастырылуы қажеттілігі бар», — деді Х.Мырзақасымов.
Ал 72-ші тармақ тағам тақырыбына қатысты. Яғни, биылғы жылдың 1 тоқсан қорытындысымен 720 баланы емдік тағамдардың мамандандырылған өнімдерімен қамтамасыз ету жоспарлануда. 73-ші тармақ — Жоғары технологиялық әдістерін енгізу бойынша жұмыстар.
Келесі тармақ құжатбастылықтан арттыруға арналған десек болады. 74-ші тармақ ол — Жедел медициналық көмекті цифрландыру, жасанды интеллектті енгізу, сондай-ақ, телемедицина арқылы онлайн-консультациялар санын арттыру. Ол бойынша биыл жедел медициналық көмекті цифрландыру жұмыстарын 70%-ға жеткізу және 550 консультациялық кеңес өткізу жоспарланған.
75-ші тармақ — 2021 жылы Қарасу алабындағы «Денсаулық» аллеясын абаттандыру. Онда пандемия кезінде қайтыс болған медицина қызметкерлеріне мемориалдық тақта орнату бойынша жұмыстар жүргізілуде.
