Таразда полиция қызметкерлері үш велосипед ұрлағаны үшін 25 жастағы ер адамды ұстады. Ол Тараз қаласының шағын аудандарының бірінің тұрғыны болып шықты. Тергеу барысында қаскүнем таңертең көп қабатты тұрғын үйлердің кіреберісінен тұрғындардың велосипедтерді қараусыз қалдырғанын пайдаланып, ұрлық жасағаны анықталды.
Аталған дерекке қатысты ҚР ҚК 188-бабының 1-бөлігі (ұрлық) бойынша сотқа дейінгі тергеу амалдары басталды. Оның басқа ұрлықтарға қатысы бар-жоғы тексерілуде.
Күннің жылынуына байланысты велосипедтер, скутер және басқа да спорттық көліктерді пайдалану маусымы басталуда. Сіздерден қырағы және мұқият болуды, қозғалыс құралдарын қараусыз қалдырмауды сұраймыз. Жеке мүлікке өте жауапты болыңыздар!
