2019 жылдың 8-10 қарашасы аралығында Корея Республикасы Инчхон қаласында өткен Әлем чемпионатында әріптесіміз Жамбыл облысы Полиция Департаменті Оқу-жаттығу взводының инспекторы, полиция аға лейтенанты Ерлан Махмудов жауынгерлік самбодан 68 келі салмақ дәрежесінде 3 орын тұғырынан көрінді.
Чемпионатқа жалпы 80 мемлекеттің балуандары қатысқан. Аталған сайыста Қазақстан құрама командасының қоржынына 4 күміс, 5 қола медаль түсті. Ал жалпыкомандалық есепте 80 мемлекеттің арасында ерлер құрама командасы 6-орын, қыздар құрама командасы 3-орынды иеленді.
Әріптесімізді байрақты бәсекедегі жүлдесімен құттықтап, қызметте абырой, спортта биік белестерді бағындыра беруін тілейміз!
Жамбыл облысы Полиция департаментінің Баспасөз қызметі
