Жамбыл облысының кәмелетке толмағандар ісі жөніндегі бөлініс қызметкерлері облыстың Меркі, Мойынқұм және Шу аудандарының мектептері мен колледждерінің оқушыларымен кәмелетке толмағандар арасындағы құқық бұзушылықтар мен қылмыстың алдын алу мәселелері бойынша кездесулер ұйымдастырды.
Жасөспірімдердің құқықтық сауаттылығын арттыруға бағытталған іс-шараларда өзіне өзі қол жұмсау, қадағалаусыздық және кәмелетке толмағандардың білім беру мекемелері мен демалыс орындарындағы қауіпсіздік мәселелері қаралды. Сонымен қатар мемлекеттік органдар мен мектеп психологтарымен бірлесіп, шиеленісті жағдайларды шешу бойынша тренинг шараларын өткізу қаралды. Сондай-ақ мектеп жарғысына оқушылар тарапынан өткір және кескіш заттарды әкелуге тыйым салуды енгізуге қатысты өтініш енгізілді.
Кездесу барысында ювеналды полиция бастығы полиция полковнигі Қуанышбек Қалжанов кәмелетке толмағандар арасында жасалған қылмысқа қатысты статистикалық деректерді мысалға келтіріп, жасөспірімдерге қатысты күш қолданудың алдын алуға назар аударды. Спикердің мәлімдеуінше, есеп беру кезеңінде прокуратура органдарымен, сондай-ақ білім беру және денсаулық сақтау мекемелерімен 3110-нан астам бірлескен рейдтер өткізіліп, 7,3 мыңнан астам, оның ішінде 4 мыңға жуығы – кәмелетке толмағандардың тәуліктің түнгі мезгілінде тұрғын- жайдан тыс жерде болуына қатысты әкімшілік құқық бұзушылық деректері анықталды.
Жамбыл облысы Полиция департаментінің Баспасөз қызметі
