Жамбыл облысындағы Тараз қаласы мен аудан әкімдерінің орындауға тиіс, бірақ орындай алмаған индикаторлары бойынша әкімдердің рейтингісін жасақтап жүргенімізге бір жылдан аса уақыт болды. Біреулер рейтингті сынап жатты, біреулер түсінбеді. Бірақ айтарымыз бұл рейтингте бір теңгеден «мемлекет қаржысының құлағы көрінбейді». Бүгінгі рейтинг тоғыз айдын қорытындысы бойынша әзірленді.
11 орын. Мойынқұм ауданының әкімі Мәден Мұсаев. Бекітілген бес индикатор орындалмаған.
10 орын. Талас ауданының әкімі Досмұхамбет Алиев. Міндеттелген бес индикатор орындалмаған. Айта кетерлігі, алты айдың қорытындысы бойынша аудан әкімдігінде бәрі орындалған болатын.
9 орын. Қордай ауданының әкімі Болатбек Байтөле. Алты айдың қорытындысы бойынша соңғы орында еді, тоғыз айдың қорытындысы бойынша екі сатыға көтерілді.
8 орын. Тұрар Рысқұлов ауданының әкімі Ерболат Садырқұлов. Соңғы рейтингтен бір орынға төмен сырғыды.
7 орын. Меркі ауданының әкімі Мейірхан Өмірбеков. Алты айдың қорытындысы бойынша тоғызыншы орынға жайғасыпты.
6 орын. Жуалы ауданының әкімі Нарбай Ергебеков. Бекітілген төрт индикатор орындалмаған екен.
5 орын. Байзақ аудынының әкімі Нұржан Нұржігітов. Тағайындалғанына үш айдан енді асып отырса да сегізінші орыннан бесінші орынға көтерілді.
4 орын. Шу ауданынның әкімі Жарылқасын Айтақов. Алтыншы орыннан төртінші орынға көтерілді.
3 орын. Тараз қаласының әкімі Қайрат Досаев. Он бесінші жаңа шағын ауданның жылусыз және газсыз отыруы индикаторға кіргізілмеген. Бірақ бекітілген межелер орындалуда.
2 орын. Сарысу ауданының әкімі Қанатбек Мәдібек. Облыс әкімімен бекітілген индикаторларының үшеуін ғана орындай алмаған екен.
1 орын. Жамбыл ауданың әкімі Бақыт Қазанбасов. Тоғыз айдын қорытындысы бойынша қайта көшбастау бұйырыпты. Орындалмаған бір индикатор бар екен.
TURANINFO.KZ
