Бүгін облыс әкімдігінің ғимаратында бейнебайланыс арқылы облыс әкімдігінің жанындағы жастар істері жөніндегі кеңес отырысы өтті. Кеңеске Тараз қаласы мен аудан әкімдері, кеңес мүшелері, БАҚ өкілдері қатысты. Жиынға облыс әкімінің орынбасары Сұлушаш Құрманбекова төрағалық етті.
Жарыссөзге бір ғана спикер жазылған болатын. Осыған орай облыстық жастар ресурстық орталығының директоры Бауыржан Мөрбеков көпшілік алдында есеп берді. Есептен кейін бүгінгі таңдағы өңірдегі жастар саясаты мәселелері кеңінен талқыға түсті. Талқылауда «Дипломмен ауылға!» бағдарламасының орындалу барысы сөз болып, облыс әкімінің тапсырмасымен зерделенетін шешімдер қабылданбақ. Өткен жылы Бүкіләлемдік банктың демеушілігімен жастарға инвестиция ретінде жеке кәсіптерін бастау үшін «Жаспрожект» жобасы жүзеге асқан болатын. Аудандар ішінде ең көп жоба жеңімпаздары атанған Байзақ ауданында 38 жобадан 14 жоба ғана өміршең болып қызметін жалғастыруда деп мәлімдеді Байзақ ауданы әкімінің орынбасары Дәуір Дәулет. Ал, ауыл шаруашылығы басқармасынан түрлі санаттағы субсидиядан 152 жас көмек алса, «7-20-25» тұрғын үй бағдарламасы бойынша Тараз қаласында 28 пәтер берІлді, Шу ауданында жастардан 25 өтінім келіп түссе де бір де біреуі қанағаттандырылмады. Жиын соңында Серікбол Берікқожа, Уалихан Болатбек Ғабиден Исатай, Дәулет Төленді сынды бірқатар жастар өз пікірлерін ортаға салды.
ФОТО АВТОРЫ: А.ҚАРТАБАЙ
TURANINFO.KZ
