Ағымдағы жылдың 20 шілдесінде Жамбыл облысының Полиция департаменті Криминалдық полиция басқармасы мен Тараз қаласының Полиция басқармасы жергілікті полиция қызметінің қызметкерлері адам саудасы деректерін анықтау, болдырмау және алдын алу, сондай-ақ із-түзсіз жоғалған адамдарды іздестіруге бағытталған профилактикалық іс-шаралар өткізді.
Рейд барысында түнгі уақытта облыс орталығының көшелері, сауықтыру орталықтары, қонақ үйлер, сондай-ақ ойын-сауық орындары тексерілді.
Нәтижесінде Тараз қаласының көшелерінде және сауықтыру орталықтарында жезөкшелікпен айналысқан 20 азаматша анықталды. Олардың барлығы дактилоскопиялық сараптамадан өткізіліп, есепке алынды, сонымен қатар қыздармен профилактикалық бағытта әңгіме жүргізілді.
Жамбыл облысы Полиция департаментінің Баспасөз қызметі
