Бүгін өңірлік коммуникациялар қызметінде Жамбыл облысы әкімдігінің энергетика және тұрғын үй-коммуналдық шаруашылық басқармасы басшысының орынбасары Нұрбай Тілегеновтың қатысуымен брифинг өтті.
— «Облыстағы 377 елді мекеннің (халық саны 1117,567 мың адам) 173 елді мекені, немесе 46 пайызы (халық саны 806 070) газдандырылған. Осы газдандырылған елді мекендердің ішінде 88 764 тұрғын газ торабына қосылмаған, немесе 11 пайызы. Қазіргі уақытта «Жамбыл-Жылу» мемлекеттік коммуналдық кәсіпорыны газ саласында жұмыс істеуге 2-ші категорялы лицензия алған. Басқа кәсіпорындардың жеке үйді газ торабына қосу қызметі 140-150 мың теңгені құраса, Жамбыл-Жылудың қызметі 82 756 теңгені құрайды. Осы себептен, құрметті аудан әкімдері, тек үйді газ торабына қосуға емес барлық газдандыру жұмыстарына Жамбыл-Жылудың мамандарын жұмылдыру қажет. 2018-2025 жылдары 171 елді мекенді (халық саны 298 063) газдандыру жоспарлануда. Нәтижесінде газдандырылған елді мекендердің саны 344 елді мекенді құрап, 91 пайыз деңгейінде қалыптасады. 2019 жылдан бастап үш жылда бөліп қаржыландыру үшін, Энергетика министрлігіне 43 760,9 млн. теңге құрайтын 11 жобаға бюджеттік өтінім тапсырылды (2018 жылғы 21 маусым №02-4437)» деп мәлімдеді Нұрбай Мейрамбекұлы.
Айта кетерлігі, Осы күнге дейін реттелемей келген нысандардың көшеге шығатын қабырғаларына бей-берекет ілініп жатқан ақпараттарды бір қалыпқа келтіру мақсатында, Жамбыл облыстық мәслихатының 2017 жылғы 27 маусымдағы жылғы №12-16 шешімімен бекітілген абаттандыру қағидасының 47 тармағына төмендегідей өзгеріс енгізу ұсынылды: Балкондарда, лоджияларда, есіктерде, ғимараттардың көрмелерінде, коммерциялық нысандар, дүнгіршектер, тұрғын үйлер мен басқа да нысандардың көшеге қарайтын қасбетіне баннерлерді, планшеттерді, парақтар мен киімдерді орналастыруға және ілуге рұқсат етілмейді.
