Облыс орталығындағы «Астана Park» кинотеатрында «Шабдалы» фильмінің тұсаукесері өтті. «Асыл арна» телеарнасының төл өнімін тамашалауға келген көрерменнің саны мол болды.
Кинотуындының басты ерекшелігі ұлттық тәрбиелік және танымдық негізге құрылған. Қазіргі өмір тұрмысын суреттеген фильмнің мақсаты — қазақты бірлікке шақырып, ұлт ретінде ұйыстыру, шаруа адамның еңбегін бағалау және ана мен қыздың байланысы туралы болды. Көркем фильм ұлттық салт-дәстүріміз бен оңтүстік өңірлерде сақталған қазақи құндылықтарымызды дәріптейді. Сондай-ақ, ел ішіндегі ауызбіршілікті нығайтуды мақсат еткен.
Фильмнің режиссері Жандос Құсайынов тұсаукесерден соң түсірілім барысында қандай қызықты сәттер мен қиындықтарға тап болғанын айтып берді.
Тараздықтар фильмнің мазмұнына тереңінен үңіліп, тұсаукесерден соң түсірілім тобы мен басты рөлді сомдаушыларға ыстық ықыластарын білдірді.
TURANINFO.KZ
