Облыста жол картаға сәйкес, мемлекеттік еңбек инспекторларымен жыл басынан бері еңбек қауіпсізігіне бағытталаған 90 іс-шара, олардың қатарында семинар-кеңестер, дөңгелек үстелдер, кездесулер мен ашық есік күндері ұйымдастырылып, бұқаралық ақпарат құралдары арқылы жарияланған. Одан бөлек, «Бейбітшілік пен келісім» жобасы аясында ағымдағы жылдың 6 айында 17 елді-мекендердегі 1550 жұмыскерлердің қатысуымен семинар-кеңестер ұйымдастырылып, 47 жұмыс берушідегі еңбек жағдайларының ахуалы зерделенді. Биылғы жылы жазатайым оқиғаларға жол берген 6 кәсіпорында «Vision Zero» нөлдік жарақат консепциясы енгізілсе, 7 кәсіпорында «Халықтық бақылау» жобасы енгізілді. Қазақстан Республикасының Еңбек Кодексінің 17 бабында еңбек инспекциясы жөніндегі жергілікті органның құзіреті белгіленген, басқарма Қазақстан Республикасының еңбек заңнамасының, оның ішінде еңбек қауіпсіздігі мен еңбекті қорғау жөніндегі талаптардың сақталуын мемлекеттік бақылауды жүзеге асыратындығы айқындалған.
Қазақстан Республикасы мемлекеттік қызмет істері Агенттігінің Жамбыл облысы бойынша Департаменті және Жамбыл облысы әкімдігінің еңбек инспекциясы арасында өзара ынтымақтастық туралы Меморандум жасалған. Әр апта сайын басқарманың аппаратында ұжымға сыбайлас жемқорлыққа қарсы іс-қимыл туралы түсіндірме жүргізіледі. Басқарманың ресми сайтында сыбайлас жемқорлыққа қарсы айдар ашылып және Facebook ресми парақшасында тиісті ақпарат орналастырылып тұрады. Басқармада сыбайлас жемқорлыққа қатысты сенім телефоны бар. Басқарма қызметінде сыбайлас жемқорлық санатындағы тәуекел қаупі бар екендігін ескере отырып, кемінде айына бір рет сыбайлас жемқорлыққар қарсы іс-қимыл мен оны болдырмауға бағытталған кеңестер, жиындар, дөңгелек үстелдер ұйымдастырылып отырылады. Мемлекеттік еңбек инспекторларымен жыл басынан бері 604 жеке және заңды тұлғаның арыз-шағымдары қаралып, олар бойынша 54 тексеріс ашылып, 63 еңбек заңнамасын бұзу фактілер анықталған, жалпы құны 1 560 595 теңгені құрайтын 12 айыппұл салынып, орындалуы міндетті 27 нұсқама берілген. Осы шаралардың нәтижесінде облыс бойынша ағымдағы жылдың басынан бері 150,2 млн теңгенің жалақы қарыздары анықталып, бүгінгі күнге олар толығымен жойылып, 988 жұмыскердің еңбек құқықтары қорғалды. Қазіргі уақытта облыста жалақы қарыздары жоқ, банкротқа ұшыраған және оңалту рәсмі қолданылған кәсіпорындардағы қарыздар толығымен өндірілді. Бүгінгі күнге облыстағы әлеуметтік-еңбек қатынастарын реттеу, еңбек ұжымдарындағы тұрақтылықты қамтамасыз ету мақсатында 17 жеке кәсіпорын 14 мыңға жуық жұмыскердің жалақысын 132 мың теңгеден 176 мыңға дейін, яғни 25%-ға өсіріп отыр.
Материал Жамбыл облысы әкімдігінің ішкі саясат басқармасының тапсырысы бойынша дайындалды
