Жамбыл облысы Тараз қаласы №2 сотында ҚР ҚК 366-бабының 2-бөлігімен (пара алу) ақылмыстық ісі қаралып аяқталды.
2016 жылдың 29 қыркүйек күні сағат 18:00 шамасында Тараз қалалық мемлекеттік кірістер басқармасының «жеке кәсіпкерлердің мәліметтерін қабылдау, тіркеу, өңдеу орталығына» азаматша Е.А. келіп,өзінің қайын атасы А.П.-ның 2016 жылдың 7 қыркүйек күні салық есебін бұзғандығы жөнінде хат келгендігін алға тартып, сол жөнінде білуге келген.
Аталған сұрақ бойынша Е.А. мемлекеттік кірістер басқармасының «жеке кәсіпкерлердің мәліметтерін қабылдау, тіркеу, өңдеу орталығының» жетекші маманы З.С. қабылдаған.
З.С. Е.А. кеңес беру барысында А.П. тарапынан 173 705 тенге салық төленбегенін және салық есебін бұзғандығын білген.
Сол кезде З.С.-ның ойында салықтан жалтарудың жолдарын алдын ала біле тұрып, жеке пайда табу мақсатымен пара алу ойы туындаған.
Өзінің қылмыстық ойын жүзеге асыру үшін З.С. Е.А.-ға аталған сұрақты әлдеқайда аз ақшаға шешуге ұсыныс жасап, өзінің заңсыз әрекеті үшін 100 000 теңге пара сұраған.
Е.А. З.С.- ның іс-әрекеттері заңсыз екенін түсініп, 2016 жылдың 30 қыркүйек күні Жамбыл облысы бойынша сыбайлас жемқорлыққа қарсы іс-қимыл қызметіне арызданған.
Осыған байланысты, Жамбыл облысы бойынша сыбайлас жемқорлыққа қарсы қызметінің қызметкерлерімен 2016 жылдың 30 қыркүйек күні сағат 15:00 шамасында жасырын тергеу әрекеттерін жүргізу барысында Тараз қаласы, Койгельды көшесінің бойында орналасқан мемлекеттік кірістер басқармасының ғимаратының екінші қабатында З.С. Е.А.-дан 100 000 теңге пара алғаннан кейін ұсталған.
Тараз қаласы №2 сотының 09.02.2017 жылғы үкімімен З.С. ҚР ҚК-нің 366 бабының 2-бөлігімен (пара алу) кінәлі деп танылып, оған оның меншігіндегі, қылмыстық жолмен табылған не қылмыстық жолмен табылған қаражатқа сатып алынған мүлкі тәркіленіп, мемлекеттік қызметте барлық лауазымды жұмыс атқару құқығынан өмір бойына айырып, параның 60 (алпыс) еселенген сомасы мөлшерінде, яғни 6000 000 тенге мөлшерде, айыппұл салу түріндегі жаза тағайындалды.
Үкім заңды күшіне енген жоқ.
