2018 жылдың атаулы күндер қандай?
Ескі жыл босағамыздан әрі аттап, жаңа 2018 жылдың есік қағуына санаулы күндер ғана қалды. 2017 жыл еліміз үшін «ЭКСПО-2017», Универсиада сынды ірі оқиғалармен есте қалса, 2018 жылы Қазақсанда қандай ерекше даталар аталып өтілмек? Жауап беріп көрелік. Сонымен 2018 жылдың 18-қаңтар күні ақын, педагог, түрколог, ғалым, дарынды ақын-аудармашы, лингвист, қазақ тіл білімінің негізін салушы Ахмет Байтұрсынұлының 145 жылдығымен басталады. 23-сәуір күні Жазушы, Ұлы Отан соғысының ардагері, әйгілі партизан, Халық Қаһарманы
Қасым Қайсеновтың туғанына 100 жыл болады. 24-сәуір Алаш қозғалысының қайраткері, дәрігер,ұстаз, ғалым Халел Досмұхамедовтың туғанына 100 жылса, 25-маусым ақын, Алаш қозғалысының қайраткері Мағжан Жұмабаевтың туғанына 135 жыл болмақ. 11-шілде қазақтың мықты ақыны, ойшыл, аудармашы Шәкәрім Құдайбердиевтің 160 жылдығы аталып өтілсе, ағартушы, ақын Сұлтанмахмұт Торайғыровтың туғанына 125 жыл болады. 3 сәуір күні халық батыры, 1916 жылғы ұлт-азаттық көтерілістің ұйымдастырушысы Амангелді Имановтың туғанына 145 жыл болса, қазақтың әуезді әнін Парижде әуелеткен Әміре Қашаубаевтың 130 жылдық мерейтойын атап өтпекпіз. Абылай ханның ақылшысы болған Бұхар жыраудың туғанына 325 жыл болса, Төле би бабамыздың туғанына 355 жыл болады екен. Ал елінің азаттығын жырлаған ақын Махамбеттің туғанына 2018 жылы 215 жыл болмақ. Келер жылдың 10 желтоқсанында қырғыз-қазақ елі болып ірі жазушы Шыңғыс Айтматовтың 90 жылдығын атап өтеміз. Әлемдегі үлкен жазушылардың піріне айналған Лев Толстойдың туғанына 9-қыркүйек 190 жыл болса, Масим Горькийдің туғанына 28 наурыз 145 жыл толады.
Келер жылдың 2 ақпанында композитор Алтынбек Қоразбаев өзінің 70 жас мерейтойын атап өтсе, белгілі жазушы Әкім Тарази 85 жасқа толады. Театр және кино актері Тұңғышбай Жаманқұлов 2 қазан күні 70 жасқа толса, Айман Мұсаходжаева мен Нұржамал Үсенбаева асқаралы 60 жастың шыңын бағындырады екен.
Сондай-ақ, 2018 жылы Қазақстанда Дүниежүзілік Тау-кен Конгресін өткізеді. Конгресс 25-ші рет өтеді және оның құрылғанына 60 жыл толады. Осы жылы бас қаламыз 20 жылдығын жыл бойы дүркіретіп атап өтсе, 5 қараша — Қазақстан Республикасы Президентінің «Болашақ» халықаралық степендияларын белгілеу туралы қаулысына 25 жыл толады. 15 қараша — Қазақстан Республикасының ұлттық валютасы Тенгенің енгеніне 25 жыл болғанын тойламақпыз.
TURANINFO.KZ
